12-февралда Кыргызстандын футбол боюнча U-20 жаштар курамасы Азия кубогунун алгачкы беттешинде Австралияга 5:1 эсебинде утулду. Оюн Кытайдын Шэньчжэнь шаарындагы Baoan Sports Centre Stadium стадионунда өттү.
Жаштар арасындагы Азия кубогу 12-февралдан 1-мартка чейин Шэньчжэнь шаарында болот. Ага баш-аягы 16 курама команда катышат.
Кыргызстандын футболчулары А тайпасында Австралия, Кытай жана Катар менен жайгашкан. Б тайпасында Иордания, Ирак, Түндүк Корея жана Сауд Аравиясы, С тайпасында Индонезия, Иран, Йемен жана Өзбекстан, Д тайпасында Сирия, Таиланд, Түштүк Корея жана Жапония бар.
Турнирдин жарым финалына чыккан төрт команда 2025-жылы 27-сентябрдан 19-октябрга чейин Чилиде өтө турган жаштар арасындагы Дүйнө чемпионатына жолдомо алат.
Кыргызстандын жаштар курамасы эми 15-февралда Кытай, 18-февралда Катар менен ойнойт. (BTo)
Шерине