Ош шаарында 33 жаштагы келин беш баласы менен (үч кыз, эки уул) иске ууланып, беш жаштагы уулу чарчап калды.
Ош шаарынын ички иштер башкармалыгынын басма сөз кызматынын маалыматына ылайык, кырсык 1-февралда болгон. Көмүрдүн исине ууланган эне балдары менен Ош шаардык ооруканасына жеткирилген. Тиешелүү экспертизалар дайындалып, тергөө иштери жүрүп жатат.
2024-жылы 5-декабрда Жалал-Абад облусунун Сузак районунда бир үйдөн төрт киши иске ууланып, алты жашар бала чарчап калган.
Кыргызстанда кыш мезгилинде иске ууланган учурлар утур-утур катталып турат. Өзгөчө кырдаалдар министрлиги (ӨКМ) элди сак болууга чакырып келет. (BTo)
Дагы караңыз
Шерине