Кыргызстандын президенти Садыр Жапаров 7-8-октябрда Көз карандысыз Мамлекеттер Шериктештигинин (КМШ) мамлекет башчыларынын кеңешинин кезектеги жыйынына катышуу үчүн Москва шаарына барат. Бул тууралуу Президенттин администрациясынын тышкы саясат бөлүмүнүн башчысы Муратбек Азымбакиев билдирди.
Анын маалыматына караганда, 8-октябрда Орусияда КМШ мамлекет башчыларынын кеңешинин кезектеги жыйыны өтөт. Анда уюмга мүчө мамлекеттердин соода-экономикалык жана маданий-гуманитардык алакасын кеңейтүүгө жана чыңдоого багытталган чечимдер кабыл алынат.
КМШ мамлекеттердин башчыларынын кеңешинин мурдагы саммити былтыр 13-октябрда Бишкек шаарында өткөн. (ZKo)
Дагы караңыз
