28-августта түнкүсүн Чүй, Жалал-Абад облустарынын тоолуу райондорунда өткүн өтүп, күн күркүрөйт. Күңдүз Чүй, Талас, Ысык-Көл облустарынын көпчүлүк аймактарында, Нарын облусунун айрым жерлеринде, Ош, Жалал-Абад, Баткен облустарынын тоо этектеринде жана тоолуу райондорунда жаан жаап, күн күркүрөйт.
Чүй, Талас, Жалал-Абад, Ысык-Көл облустарынын айрым жерлеринде жаан-чачын катуу жаашы күтүлөт. Батыштан соккон шамалдын ылдамдыгы секундасына 4-9 метрден, 28-августта күндүз айрым жерлерде 15-20 метрге жетет.
Абанын температурасы:
Чүй өрөөнүндө түнкүсүн 13…18, күндүз 25…30;
Талас өрөөнүндө түнкүсүн 8…13, күндүз 21…26;
Баткен, Ош, Жалал-Абад облустарында түнкүсүн 16…21, күндүз 29…34;
Ысык-Көл облусунда түнкүсүн 11…16, күндүз 23…28;
Нарын облусунда түнкүсүн 8…13, күндүз 24…29 градус жылуу болот.
Бишкекте түнкүсүн жаан-чачын жаабайт, күндүз жаан жаап, күн күркүрөйт. Батыштан соккон шамалдын ылдамдыгы секундасына 4-9 метрден, күндүз 14 метрге жетет. Абанын температурасы түнкүсүн 16…18°, күндүз 27…29° жылуу болот.
Чолпон-Ата шаарында түнкүсүн жаан-чачын жаабайт, күндүз жаан жаап, күн күркүрөйт. Батыштан соккон шамалдын ылдамдыгы секундасына 4-9 метрден, күндүз 14 метрге жетет. Абанын температурасы түнкүсүн 13…15°, күндүз 24…26° жылуу болот.
Ысык-Көлдүн түндүк жээгинде суунун температурасы 26-августта күндүз 22,2°, 27-августта эртең менен 21,6° түздү.
