Астронавт Жанетт Эппс 2021-жылы эки кесиптеши менен Эл аралык космос станциясына учат. Бул тууралуу АКШнын Космостук агенттиги - NASA кабарлады.
Нью-Йоркто жашаган 49 жаштагы Эппс тарыхта алгач ирет аталган станцияда иштеген ындыкара аял болот.
2000-жылы аэрокосмикалык техника боюнча доктор макамын алган Эппс космоско 2018-жылы учмак. Бирок учууга бир ай калганда белгисиз себептен улам орду башка адиске алмаштырылган.
Жанетт Эппс Эл аралык космос станциясына «Boeing CST-100 Starliner» кемесинде чыгат.
