Еуропа одағы Ресейдің Украинаға қарсы соғысына көмектесіп отырған компанияларға салатын санкциялардың жаңа пакетін дайындады. Оған Орталық Азиядағы үш кәсіпорын – екі қазақстандық және бір өзбекстандық компания да кірген. Бірақ тізімде Қытай фирмалары жоқ.
14 қараша түнде Украинаның Донецк облысындағы көпқабатты үйге зымыран түсіп, бір адам қаза тапты. Украина Ресейді айыптайды. Израиль Газа қаласындағы ең үлкен Әл-Шифа ауруханасына басып кірді. Қытай төрағасы Си-Цзиньпин жеті жылда бірінші рет АҚШ-қа сапарлап барды.
Әлем елдерінің Израиль мен ХАМАС тобы арасындағы соғыста "гуманитарлық үзіліс" жариялау керек деген ұсынысына ешкім құлақ аспады. Израиль қоршауға алған Газа секторында жағдай күннен-күнге қиындап, азық-түлік, жанармай, ауыз су, дәрі-дәрмек жетпей жатыр.
Түркия Ресейдің Украинамен соғыстан бас көтере алмай жатқанын пайдаланып, Орталық Азияда ықпалын күшейтуге тырыса ма? Түркі елдері ынтымақтастығының, әсіресе әскери салада болашағы бар ма? Азаттық Солтүстік Кипрдегі Таяу Шығыс университеті саясаттану кафедрасының доценті Әсел Тутумлумен әңгімелесті.
Украина әскері Днепр өзенінің сол жағалауында кемінде екі плацдарм құрды. Бұл – Киевтің 5 айға созылған қарымта шабуылындағы соңғы демі ме, әлде жақсылық нышаны ма?
Кремль Израиль мен ХАМАС арасындағы жанжалды өз мүддесіне пайдалануға тырысып, Батыс елдерін сынап, палестиналық содырлар делегациясын қабылдады. Дағыстан әуежайындағы бүлік Мәскеудің Таяу Шығыстағы күштер балансын өзгертуі Ресейдің өзіне қауіпті болуы мүмкін екенін аңғартты.
Maxar Technologies компаниясы 26 қазанда Газа секторының Израильдың әуе шабуылына дейінгі және кейінгі суреттерін жариялады. 7 қазанда Израиль ХАМАС радикал тобының шабуылына жауап ретінде Газа секторына әуеден соққы бастаған.
Израиль Газа секторын тоқтаусыз бомбалап, атқылап жатыр. Тіпті өткен түні танкілерін де кіргізгені хабарланды. Бірақ әлі жаяу әскер шабуылын толық бастамаған. Ал Газада күніне жүздеген адам өледі.
Әлемде балалар соғыс зардабын тартып жатыр. Газа секторында кейінгі 18 күнде жарылыстан қаза тапқан бала саны 2300-ден асқан. Ал Украинада кемі 500 бүлдіршін мерт болып, жиырма мыңға жуығы Ресейге күшпен әкетілгені айтылады.
Израиль мен ХАМАС арасындағы соғыс басталғалы 13 күн болды. Тель-Авив Газа секторын тұрақты түрде шабуылдап жатқанын айтады. Елге бүгін АҚШ президентінің ізін ала Ұлыбритания премьер-министрі барды. Ал Газа секторындағы Хан Юнис қаласындағы тұрғын үйге зымыран түсіп, 10-нан астам адам қаза тапқан.
17 қазан күні Газа секторындағы ауруханадағы жарылысқа Израиль мен ХАМАС бірін бірі айыптайды. Түрлі видео, фото сурет жариялап, дәлел ұсынып жатыр. Ал халықаралық қауымдастық оқиға құрбандарының тым көп болғанына қайғырып, жанжалды дереу тоқтатуға шақырады.
Тағы
