Биыл көктемде Қазақстанның батысы мен шығысын және Ресейдің оңтүстік өңірлерін әбігерге салған алапат су тасқыны екі елдің аумағымен ағатын өзендерді қаншалықты ластады, салдары қандай болмақ деген сұрақ тудырды. Екі ел арқылы ағатын Тобыл өзеніне су басқан ұңғымалардан уран араласып кеткен болуы мүмкін деген ақпарат тәуелсіз экологтарды алаңдатып қойды. Егер су ресурстары радиациямен ластанатын болса, Астананың қандай да бір іс-шара жоспары бар ма?
Қазақстан азаматтығын алуға өтініш берген ауған қазағы Сәми Ата Ғұл 15 мамырда Ақмола облысы Целиноград аудандық полиция бөлімінің уақытша ұстау изоляторынан босап шықты. Сол күні таңертең ІІМ Көші-қон комитеті қызметкерлері оны үшінші рет ұшаққа салып жіберуге тырысқаны белгілі болды.
Жаңа журналистік зерттеу қазақстандық шенеуніктер, саясаткерлер және олардың туыстары Араб Әмірліктерінде миллиондаған долларға жылжымайтын мүлік сатып алғанын анықтады. 70-тен астам елдің журналистері Дубайдағы мыңдаған нысан жөніндегі деректерді талдап, зерттеген. Олардың қолына негізінен 2020 және 2020 жылдары жасалған келісімдер туралы құжаттар түскен.
13 мамырда Алматы соты журналист Жәмила Маричеваның ProTenge Telegram арнасында Азаттық радиосын қолдап жазған жазбасын "жалған ақпарат" деп тауып, авторға 74 мың теңге айыппұл салды. Арыз берген полицей жазбаның қай тұсы "жалған" екенін білмей шатасты. Ал заңгер мен журналист мұны "сөз еркіндігіне қысым" деп біледі.
"Азаматтық некедегі әйелін өлтірді" деп айыпталған бұрынғы ұлттық экономика министрі Қуандық Бишімбаев пен оның "қылмысты жасырды" деп айыпталған туысы Бақытжан Байжановқа шыққан үкімді қоғам әртүрлі қабылдады. Жәбірленуші тарап сот ұйғарымына "келіссе", феминистік белсенділер "өмір бойы түрме жазасына кесуді" талап етіп көшеге шықты. Ал құқық қорғаушылар үкімге "қоғам пікірі мен істің саяси жағы әсер етті" дейді.
14 мамырға қараған түні Атырау облысындағы Жайық өзені деңгейі қауіпті межеден асты. Облыс орталығы мен Махамбет және Индер аудандарын су басу қаупі бар. Өзен сағасындағы елді мекендерге де қатер төніп тұр.
20-ғасырдың 20-50-ші жылдары советтік саяси қуғын-сүргінге ұшырағандарды толық ақтау үшін құрылған мемлекеттік комиссия жұмысы былтыр желтоқсанда аяқталған. Комиссия 311 мың саяси құрбанды ақтап, 72 томдық кітап шығарды. 6 миллионнан астам құжат пен материал зерделеніп, құпия белгісі алынып тасталды.
1990 жылғы 14 маусымда Шығыс Қазақстандағы Зайсан ауданында 8 балдық жер сілкінісі болды. 9 мыңдай үй құлап, бір бала көз жұмды. Қираған ауыл сол баланың атымен "Біржан" аталады. Азаттық тілшісі Біржанға барып, 34 жыл бұрынғы зілзаланың жарасы жазылмағанына, жұрттың одан сабақ алмағанына куә болды.
6 мамырда бұрынғы ұлттық экономика министрі Қуандық Бишімбаев пен оның бірге айыпталған туысы Бақытжан Байжанов сотта соңғы сөздерін айтты.
Ақтөбеде Даун синдромы диагнозы қойылған 200-ден аса бала мен жас адам бар. Бірақ қалада осы балаларды оңалтуға арналған мемлекеттік мекеме жоқ, сондықтан ата-ана баласын ақылы оңалту орталыққа апаруға мәжбүр. Алайда шіркеудің бір бұрышында ашылған жеке орталықта логопед, дефектолог маман тапшы. Азаттық сөйлескен ата-аналар Даун синдромы диагнозы қойылған балаларының қоғамға бейімделуі қиын екенін айтады.
Халықаралық баспасөз еркіндігі күні Азаттық бұрын журналист болған мәжіліс депутаты Жанарбек Әшімжанмен сұхбат құрып, елдегі сөз бостандығын, «Шекарасыз тілшілер» ұйымының рейтингін, Масс-медиа заңын талқылады.
Тағы
