Халықаралық зерттеуші журналистер консорциумы (ICIJ) мен оның 26 медиа серіктесі (арасында Азаттық та бар) бірлесіп екі жыл бойы жүргізген жаңа зерттеуде Қазақстандағы стратегиялық маңызы бар Каспий құбыры мен сол арқылы шикізат жөнелтетін мұнай кен орындарына қатысы бар келісімдер талданған.
Астанада Ұжымдық қауіпсіздік шарты ұйымына мүше елдердің басшылары халықаралық және аймақтағы ахуалды жабық жиында талқылады. Украина мен Ресей өзара соғыста алысқа ұшатын зымырандар қолданып жатқан шақта оның ҰҚШҰ-ға әсері жөнінде түрлі болжам айтылып отыр.
Шығыс Қазақстан облысының орталығы Өскемен қаласын 20 қарашадан бері газ бен тұман тұмшалап тұр. Әлеуметтік желі қолданушылары шұңқырда орналасқан қала түтінге бөгіп, іргедегі таудың төбесінен көрінбей қалғанын дәлелдейтін видеолар жариялап жатыр.
Айтыскер ақын Нұрболат Абзалханов сегіз жылдан бері арбада отыр. Қазір ол жазба поэзияға ден қойып, шығармашылығын шыңдап жүр. Болашақта жыр кешін өткізуді армандайды.
Бүгін Ресей президенті Владимир Путиннің Қазақстанға мемлекеттік сапары басталады. АЭС салу, газ тасымалдау, Украинадағы ахуал және "гуманитарлық әріптестік" – сапар барысында ашық және жабық талқылануы мүмкін мәселелердің бір парасы.
Биыл қыркүйек айында соғысқа қарсы ресейлік белсенді, 19 жастағы Павел Владимировтің Қазақстанда ұсталғаны өткен аптада ғана мәлім болды. Белсенді Ресейден тамыз айында кеткен, оған террористік ұйым жұмысын ұйымдастырды деген айып тағылған. Бұған украиналық Ольга есімді қызбен хат алмасуы себеп болса керек. Сибирь.Реалии сайтына берген сұхбатында Ольга екеуара хаттарында саясат туралы сөз болмағанын, Павел туып-өскен Воронеж қаласынан Ольгамен кездесу үшін ғана кетпек болғанын айтты.
1917 жылдың қазан-қараша айларында қоғам қаймақтары бұрын-соңды қазақ даласында болмаған әлеуметтік эксперимент жасап, демократиялық құқықтық мемлекет — Алашорда автономиясын құруды бастады.
Маңғыстауда қырылған итбалық саны екі мыңға таяды. Олардың неден өлгені әзірше белгісіз. Министрлік "жер сілкінгенде бөлінген газдан болуы мүмкін" деп топшылап отыр. Ғалымдардың зерттеу қорытындысы әлі шыққан жоқ. Итбалық өлекселері табылған ауылдан Азаттықтың арнайы репортажын көріңіз.
Бірі қалдық жейтін шыбын өсіреді, бірі қала аралап, органикалық қоқыс жинайды, енді бірі пластиктен қолөнер туындыларын жасайды — алматылық табиғат жанашырлары елдегі қоқыс мәселесін шешуге, жаһандық жылыну процесіне баяулатуға барын салып жүр. Азаттық тілшісі Мақпал Мұқанқызы экологиялық энтузиастермен кездесіп, жұмысын көріп қайтты.
Қазақстанда АЭС туралы референдум өткен күні дауыс беру жәшігіне топтап бюллетень салып жатқан адамның видеосы әлеуметтік желіде жаппай тарап кетті. "Ұлы көш" қоғамдық қорының тәуелсіз байқаушысы Берік Әбенов видеоны Түркістан облысы Ордабасы ауданы Темірлан ауылындағы №456 референдум учаскесінде түсіргенін айтты. Аумақтық референдум комиссиясы оны "бұрын түсірілген видео" деп жоққа шығарды. Бұдан соң екі жақ та үнсіз қалған. Азаттық Factcheck.kz-пен бірге осы видеоға фактчек жасады.
Тағы
