САЙЛАУ-2022

Президент болғысы келетін һәм келмейтін кандидаттар

Бірі — қазіргі президент, бірнешеуі оны қолдайды және өзін оппозиция санайтын жалғыз адам. Алдағы президент сайлауы осындай құраммен өтпек. Президент болғысы келетіндер кім? Сайлауға түссе де, президент болғысы келмейтіндер кім? Қысқа шолу ұсынамыз.

Сайлауға бөлінген 20 миллиард теңге қайда жұмсалады?

20 қарашада өтетін президент сайлауына бюджеттен 20 миллиард теңге бөлінген. Қаржының қалай, қайда жұмсалуын Орталық сайлау комиссиясы қадағалайды.

Тоқаевтың 2019 жылғы сайлау алдында берген уәделері қаншалықты орындалды?

Қарақат Әбден президенттікке кандидат куәлігін алды

20 қарашада ОСК мерзімінен бұрын өтетін президент сайлауына Қарақат Әбденді кандидат ретінде тіркеді. Ол - кандидат куәлігін алған төртінші адам. Қасым-Жомарт Тоқаевты "үлкен саясаткер" деп мақтаған Әбден президент болса бақталасының саясатын жалғастыратынын айтады.

"Тоқаев қоры" кәсіпкерлерден "мәжбүрлеп" ақша ала ма?

Ratel сайты президент Қасым-Жомарт Тоқаевтың сайлауалды қорына ақша аударуға кәсіпкерлерді мәжбүрлеп жатқаны туралы мақала жариялады. Мақаладағы мәліметті президент әкімшілігі де, оның сайлаудағы сенімді өкілі басқаратын "Аманат" партиясы да теріске шығарған жоқ әрі растамады да.

"Әділ сайлау орнатамыз". Тәуелсіз бақылаушылар сайлауға әзірлене бастады

Сайлауда дауыс ұрлау, топтап тастау, нәтижені бұрмалау сияқты заң бұзушылықты анықтайтын бақылаушылар алдағы науқанға дайындықты бастап кетті. Олар "тәуелсіз бақылаушы неғұрлым көп болса, нәтиже де соғұрлым дәл шығады" дейді. Бірақ олардың қатарына қосылуға ниет білдіргендер әзірше көп емес.

"Ешкімнен қорықпайтын" Жигули Дайрабаев президенттікке кандидат ретінде тіркелді

"Ауыл" партиясы ұсынған Жигули Дайрабаевты Орталық сайлау комиссиясы (ОСК) кандидат ретінде тіркеді. Бәскелесі Қасым-Жомарт Тоқаевты мақтауынан, төріне суретін іліп қоюынан өзі әбестік көрмейді.

Кандидаттыққа ұсынылғандар әлеуметтік желіде не жазып жүр?

Кезектен тыс президент сайлауына кандидат ретінде ұсынылғандардың алды ресми тіркеуден өтті. Кейбірі қатаң талаптарға сай келмей, Орталық сайлау комиссиясы құжаттарын кері қайтарды. Азаттық әзірге тіркелу процесіндегі тұлғалардың әлеуметтік желідегі парақтарын шолып шықты.

Қуанышәлинге партия құруға тағы да рұқсат бермеді

Оппозициялық саясаткер Жасарал Қуанышәлин бастаған топтың құжатын қабылдап алған әділет министрлігі "Алға, Қазақстан" атты партия құруға тағы да келісім бермеді. Әзірше себебі белгісіз. Бұған дейін министрлік олардың құжатын "сайлау және саяси партиялар туралы заңға қайшы" деп екі рет кері қайтарған

Кандидаттарды ұсыну аяқталды. Оппозиция не істейді?

Қазақстан кезектен тыс президент сайлауына кандидат ұсыну уақыты аяқталды. Барлығы 11 адам өз кандидатурасын ұсынды. Қатысуға ниет білдірген, алайда өзін ұсынатын ұйым таппаған тұлғалар да бар. Сайлау жарияланғанда коалиция құрғанын мәлімдеген оппозициялық саясаткерлер енді не істейді?

Виктор Ковтуновский: Тоқаевқа биліктен айрылмау қиынға соғады

Тоқаев неге Назарбаевтың "жауыр болған" әдістерін қолдануға әуес? Сайлаудағы негізгі кандидатқа бәсекелес болуға халық танымайтын адамдарды таңдаудың сыры неде? Қазақстандық сайлаушылардың саяси апатиясын қалай түсіндіруге болады? Азаттық саяси сарапшы Виктор Ковтуновскиймен сөйлесті.