Ռուսաստանի արտգործնախարար Սերգեյ Լավրովը ժամանել է Դոհա, հաղորդում է ռուսական պետական ՏԱՍՍ գործակալությունը՝ նշելով, որ արտգործնախարարի օդանավը երեկ երեկոյան վայրէջք է կատարել Դոհայի օդանավակայանում։
Այցի օրակարգից մանրամասներ դեռ չեն հաղորդվում։
Փետրվարի 24-ին Լավրովը Թուրքիայում էր, իսկ մեկ օր անց՝ Իրանում։
Վերջին անգամ Լավրովը Կատար էր այցելել անցյալ տարվա դեկտեմբերին, հանդիպել Կատարի Էմիրի հետ, բանակցություններ վարել Կատարի արտաքին գործերի նախարարի հետ։ Դեկտեմբերի 7-ին Դոհայում հանդիպեցին Թուրքիայի, Իրանի և Ռուսաստանի արտաքին քաղաքական դիվանագիտության ղեկավարները՝ քննարկելու Սիրիայում ապստամբների կայծակնային առաջխաղացումը։
