Выбары ў Беларусі нельга прызнаць свабоднымі і дэмакратычнымі, заявіў на прэс-канфэрэнцыі ў панядзелак у Менску кіраўнік місіі часовых назіральнікаў Бюро дэмакратычных працэдураў і правоў чалавека АБСЭ Тоні Лойд.
Грамадзкае аб'яднаньне “Беларускі ПЭН-цэнтар” выступуіла з заявай у сувязі са зьбіцьцём кандыдата ў прэзыдэнты паэта Ўладзімера Някляева.
Прэзыдэнт Расеі Дзьмітрый Мядзьведзеў сёньня пракамэнтаваў прэзыдэнцкія выбары ў Беларусі.
Яраслаў Качыньскі, лідэр партыі “Права і справядлівасьць”, былы кандыдат на прэзыдэнта Польшчы, заявіў, што палітыка польскага ўраду адносна Беларусі “пацярпела паразу”.
Так ахарактарызаваў жорсткі разгон дэманстрацыі ў Менску 19 сьнежня прэзыдэнт Польшчы Браніслаў Камароўскі, адказваючы на пытаньні журналістаў.
Рада Беларускай Народнай Рэспублікі выказвае пратэст з прычыны надзвычай брутальных дзеяньняў лукашэнкаўскага антыбеларускага рэжыму супраць удзельнікаў масавых акцыяў у Менску 19 сьнежня.
Так лічыць кіраўнік беларускага прадстаўніцтва нямецкай фундацыі імя Конрада Адэнаўэра Штэфан Малерыюс.
Місія СНД не знайшла фактаў, якія б сьведчылі пра парушэньне выбарчага заканадаўства. Выбары былі свабоднымі і дэмакратычнымі, заявіў выканаўчы сакратар СНД Сяргей Лебедзеў.
З Акрэсьціна да "Свабоды" датэлефанаваўся ўдзельнік начных падзей у Менску Віталь Гуляк. Ён родам з Ваўкавыску, зараз вучыцца ў Польшчы, інвалід — у яго хворыя ногі. Вось што ён нам пасьпеў распавесьці.
Падзеі, якія адбываліся ўвечары 19 сьнежня на вуліцах Менску, здымалі карэспандэнты шматлікіх агенцтваў і тэлеканалаў, а таксама звычайныя людзі, якія былі на месцы падзеяў з відэакамэрай або фотаапаратам.
Калі Вы маеце нейкую інфармацыю пра затрыманых пакідайце інфармацыю на сайце альбо лістуйце на электронную пошту rferl.minsk@gmail.com
Паводле інфармацыі Тацяны Шапуцькі, у дачыненьні да намесьніцы старшыні «Маладога фронту» Насты Палажанкі заведзена крымінальная справа па артыкуле 293 Крымінальнага кодэксу (ч.1 і ч.2) -- арганізацыя і ўдзел у масавых непарадках.
Канчатковыя вынікі выбараў прэзыдэнта стануць вядомыя праз 10 дзён. Пра гэта паведаміла сёньня старшыня ЦВК Лідзія Ярмошына. Яна ўнесла некалькі паправак у тыя дадзеныя, якія былі абвешчаныя ўначы.
Былы кандыдат на прэзыдэнты Яраслаў Раманчук заклікае да дакладнага расьсьледаваньня падзеяў 19 сьнежня на плошчы Незалежнасьці. Паводле ягоных словаў, у гэтым зацікаўлены як Эўразьвяз, так і Расея.
Уначы яго выкралі сямёра невядомых з аддзяленьня рэанімацыі шпіталя хуткай дапамогі, куды ён быў дастаўлены у цяжкім стане з чэрапна-мазгавой траўмай.
Пасьля акцыі пратэсту на плошчы Незалежнасьці ў Менску, якая была жорстка разагнаная спэцназам, затрымана больш за 600 чалавек. Затрыманыя сем кандыдатаў у прэзыдэнты: Някляеў забраны са шпіталя, Саньнікаў, Кастусёў, Статкевіч, Рымашэўскі – каля плошчы Незалежнасьці. Уначы забралі Вуса і Міхалевіча. Пазьней Вуса і Кастусёва вызвалілі з турмы КДБ. АБСЭ не прызнала выбары свабоднымі і дэмакратычнымі.
У Магілёве на 41 выбарчым участку за кандыдата ў прэзыдэнты Аляксандра Лукашэнку афіцыйна прагаласавала меней за 52 працэнты выбарцаў. З усіх 818 участкаў рэгіёну – гэта найменшы працэнт падтрымкі дзейнага прэзыдэнта.
Некалькі сотняў затрыманых, некалькі дзясяткаў зьбітых, у тым ліку журналістаў, начныя пагромы ў офісах грамадзкіх арганізацый і затрыманьні прадстаўнікоў дэмакратычнага руху дома – вынік мірнай акцыі пратэсту супраць фальсыфікацыі вынікаў прэзыдэнцкіх выбараў.
Акцыя пратэсту на плошчы Незалежнасьці ў Менску жорстка разагнаная міліцэйскім спэцназам. Дзесяткі чалавек былі зьбітыя, шпіталізаваныя, затрыманыя і зараз знаходзяцца ў турме на вуліцы Акрэсьціна.
Міністэрства замежных справаў Польшчы выступіла з заявай, у якой асудзіла "масавае зьбіцьцё і затрыманьне маніфэстантаў на вуліцах Менску".
Як паведаміла БелаПАН праваабаронца Тацьцяна Равяка, ноччу 20 сьнежня ў офісе кампаніі былі затрыманыя віцэ-прэзыдэнт Міжнароднай фэдэрацыі правоў чалавека Валянцін Стэфановіч, праваабаронцы Ўладзімір Лабковіч, Анастасія Лойка, Сяргей Сыс, Зьміцер Салаўёў ды інш.
Старшыня Цэнтрвыбаркаму Лідзія Ярмошына абвясьціла, што на выбарах прэзыдэнта Беларусі перамог Аляксандр Лукашэнка, набраўшы 79,67% галасоў.
Злучаныя Штаты рашуча асуджаюць гвалт, які меў месца ў Беларусі ў дзень выбараў.
Падзеі ў Менску камэнтуе старшыня КХП БНФ Зянон Пазьняк: "Гэтыя "выбары", якія адбыліся, безумоўна сфальсыфікаваныя. Па зьвестках нашых назіральнікаў, у Менску толькі на палове ўчасткаў быў цалкавіты прыход (50%) выбаршчыкаў. На астатніх – 35-45%".
У Менску адбываецца ператрус у штабе Ўладзімера Някляева, паведамляе сайт кандыдата ў прэзыдэнты. Тэлефоны Рымашэўскай і Дзьмітрыева не адказваюць.
У Берасьці невялікая група маладзёнаў выйшла на цэнтральную плошчу гораду ў знак салідарнасьці з Менскам. Літаральная праз некаторы час маладзёнаў затрымалі.
На аднаго зь лідэраў "Маладога фронту" Зьмітра Дашкевіча рыхтуюцца завесьці крымінальную справу.
Па афіцыйных дадзеных, на шэрагу ўчасткаў у Менску Аляксандр Лукашэнка не набірае 50% галасоў, паведамляюць «Праваабаронцы за свабодныя выбары».
Пасьля падзеяў на плошчы Незалежнасьці затрыманыя былыя кандыдаты ў прэзыдэнты Рыгор Кастусёў, Віталь Рымашэўскі, Мікола Статкевіч, Андрэй Саньнікаў.
Дэпутат польскага парлямэнту Павал Панцыліюш, які быў назіральнікам на выбарах у Беларусі, сказаў польскай газэце Rzeczpospolita, што ён быў сьведкам "кабарэтнага" падліку галасоў на адным з выбарчых участкаў.
У выбарах прэзыдэнта Рэспублікі Беларусь узялі ўдзел 90,4% ад усіх выбарцаў. Найменш актыўна галасаваў Менск — 83,6%. Найбольшая колькасьць выбарцаў наведала ўчасткі ў Магілёўскай вобласьці — 93,2%. На папярэдніх выбарах 2006 года прагаласавалі 92,6% беларускіх выбарцаў.
Сёньня каля беларускай амбасады ў Празе адбылася акцыя пратэсту “Не фальсыфікацыі прэзідэнтскіх выбараў у Беларусі”. Пікетоўцы патрабавалі правядзеньня празрыстых, дэмакратычных выбараў, а таксама адстаўкі дзейнага прэзыдэнта А. Лукашэнкі. У акцыі прынялі ўдзел каля 50-ці чалавек.
Апазыцыйныя актывісты ў рэгіёнах падсумоўваюць вынікі назіраньня і выяўленых цягам асноўнага дня галасаваньня парушэньняў. Падрабязнасьці ўдакладняюць рэгіянальныя карэспандэнты "Свабоды". Іх паведамленьні запісаў Вячаслаў Кулік.
Карэспандэнты нямецкага выданьня «Spiegel» перадаюць зь Менску.
Сёлета дазвол праводзіць экзыт-полы падчас прэзыдэнцкіх выбараў у Беларусі атрымалі тры кампаніі — аналітычны цэнтар «ЕсооМ», Рэспубліканскі саюз грамадзянскіх аб’яднаньняў «Беларускі камітэт моладзевых арганізацый» і кампанія «TNS-Украіна».
Цэнтравыбаркам ня мае паўнамоцтваў разглядаць факт зьбіцьця кандыдата на прэзыдэнта Ўладзімера Някляева. Пра гэта заявіла старшыня ЦВК Лідзія Ярмошына на прэсавай канфэрэнцыі.
Леанід Аўтухоў, прыхільнік Уладзімера Някляева з райцэнтру Гарадок Віцебскай вобласьці, патэлефанаваў у міліцыю і распавёў, што з самага ранку яго перасьледуе легкавік, у якім езьдзяць невядомыя ў цывільным.
Супрацоўнікі ДАІ спынілі машыну, якой кіраваў Уладзіслаў Варанецкі. Разам з трыма пасажырамі яго даставілі ў аддзел міліцыі Віцебскага раёну
У наўпроставым эфіры тэлеканалу ОНТ Мікалай Чурылаў,кіраўнік кампаніі TNS-Україна, якая праводзіла апытаньні на выхаду з выбарчых участкаў, паведаміў, што перамагае на выбарах Аляксандар Лукашэнка з 72,2 працэнтамі пададзеных галасоў выбарцаў.
Стан Някляева быў настолькі цяжкі, што хуткая спынілася і хвілін 15 яму аказвалі тэрміновую дапамогу ў машыне.
Адключылі сацыяльныя сеткі? Чытайце найважнейшыя абнаўленьні з Twitter, Facebook, Livejournal беспасярэдне з вуліцаў Менску. Абнаўляецца ў рэжыме рэальнага часу.
У той час, як калёна прыхільнікаў Уладзімера Някляева рушыла зь Нямігі ў бок Кастрычніцкай плошчы, на людзей наляцелі каля 50 чалавек у чорным. Прыхільнікаў Някляева пачалі брутальна зьбіваць, узрываліся шумавыя гранаты і пэтарды.
Ля чыгуначнага вакзалу адбываецца мітынг прыхільнікаў Віталя Рымашэўскага. Людзі прыбываюць. Іх ужо каля 400 чалавек.
Паводле старшыні Цэнтарвыбаркаму Лідзіі Ярмошынай, цяперашнія прэзыдэнцкія выбары дэманструюць «бліскучыя лічбы». Паводле дадзеных ЦВК, на 18.00 яўка выбарцаў па краіне склала 84%.
Ля чыгуначнага вакзала пад бел-чырвона-белымі сьцягамі і сьцягамі БХД зьбіраюцца сябры штабу і прыхільнікі кандыдата на прэзыдэнта Віталя Рымашэўскага. Іх ужо каля 200 чалавек.
На нумары тэлефонаў кампаніі для назіраньня грамадзкага аб’яднаньня «Рух «За Свабоду» апэратараў velcom і life:).
Алег Ладуцька, каардынатар выбарчага штабу Ўладзімера Някляева па Цэнтральным раёне Менску, затрыманы на станцыі мэтро Кунцаўшчына.
Супраць шэрагу незалежных інфармацыйных рэсурсаў у дзень выбараў 19 сьнежня распачатая кібэратака. Гэтым разам пайшла ў ход новая зброя – фальшывыя сайты зьнешне падобныя на арыгіналы, але з фальшывай інфармацыяй.
Загрузіць яшчэ
