Савецкая ўлада 2010

Многія акругі будуць безальтэрнатыўнымі

У Беларусі ў якасьці кандыдтаў у дэпутаты мясцовых саветаў афіцыйна зарэгістравана 25035 асобаў. Адмовілі ў рэгістрацыі – 318 асобам, а 122 адклікалі свае дакумэнты. Такім чынам, на адно дэпутацкае месца ў сярэднім прэтэндуюць каля 1,2 чалавека.

Кандыдатам даюць менш за 5 хвілін для выступу на радыё

У кампаніі па выбарах дэпутатаў мясцовых саветаў пачаўся новы этап – агітацыйны. Згодна з законам кожны афіцыйна зарэгістраваны кандыдат у дэпутаты з моманту сваёй рэгістрацыі мае права пачынаць агітацыю за сябе. Дзяржава гэтым разам дае магчымасьць прэтэндэнтам выступіць на радыё і надрукаваць прэзэнтацыйны плякат.

Франак Вячорка зарэгістраваны кандыдатам у дэпутаты Мазырскага райсавету

У сувязі з рэгістрацыяй вайскоўцу Франку Вячорку павінны даць адпачынак.

У Гомелі застрашваюць апазыцыйнага чальца выбаркаму

Сёньня на паседжаньні выбарчай камісіі Быхаўскай акругі № 13, якую ачольвае начальнік арганізацыйна-кадравага аддзелу адміністрацыі Савецкага раёну Гомеля Станіслаў Чэмезаў, зладзілі «экзэкуцыю» чальцу камісіі ад АГП Зінаідзе Шумілінай. І нават папярэдзілі, што яе могуць выключыць са складу камісіі.

Магілёўшчына: у апазыцыі страты

"У Магілёве не прайшоў рэгістрацыі кандыдатам на дэпутацтва сябра незарэгістраванай партыі Свабоды й прагрэс" Уладзімер Пунчанка. Гэткі жа лёс напаткаў актывістаў незарэгістраванай Беларускай сацыял-дэмакратычнай партыі "Народная грамада" — Уладзімера Новікава й Аляксандра Ірхо".

Горадня: амаль палова акругаў — з адным кандыдатам

У Гарадзенскі гарсавет на 30 акругаў зарэгістраваныя 55 кандыдатаў, 14 акругаў — безальтэрнатыўныя. Сярод кандыдатаў — 14 сябраў апазыцыйных партый. Пра гэта паведаміў прадстаўнік БХК Раман Юргель.

Незалежных кандыдатаў зарэгістравалі ў 11 раёнах Віцебшчыны і абласным цэнтры

Паводле каардынатаркі аргкамітэту партыі БХД Тацяны Севярынец, зь іхных кандыдатаў адмовілі амаль кожнаму другому.

Чавусаў: “Фармальна магчымасьці апазыцыі павялічыліся”

Сёньня — апошні дзень рэгістрацыі кандыдатаў у дэпутаты мясцовых саветаў. І хаця афіцыйныя дадзеныя пра вынікі рэгістрацыі будуць пазьней, ужо відавочна — дэмакратычных кандыдатаў параўнальна зь мінулай аналягічнай кампаніяй будзе значна болей. Асабліва гэта заўважна ў сталіцы.

Магілёў: апазыцыянэраў рэгіструюць кандыдатамі

Сьпіс апазыцыйных кандыдатаў на дэпутацтва ў мясцовых саветах папоўніўся актывістамі партыі БНФ, Аб’яднанай грамадзянскай партыі, Беларускай сацыял-дэмакратычнай партыі “Грамада” ды незарэгістраванай Беларускай хрысьціянскай дэмакратыі.

Рэгіструюць амаль усіх

З сямі вылучэнцаў ад Партыі БНФ, якія балятуюцца ў Менскі гарадзкі савет, зарэгістраваныя шэсьць. Пра гэта “Свабодзе” сёньня паведаміў партыйны актывіст Вадзім Канапацкі.

Марголін: “Улады працягваюць гульню ў лібэралізацыю”

Усе патэнцыйныя кандыдаты ў дэпутаты сталічнага гарадзкога савету ад Аб’яднанай грамадзянскай партыі, акрамя Аляксанлра Сяргяенкі, пасьпяхова прайшлі рэгістрацыю ў тэрытарыяльных выбарчых камісіях. Яны афіцыйна набылі статус кандыдата ў дэпутаты.

Масты: “Не падпісвайся за “бэнээфаўца”!

Прадстаўнік руху “За свабоду” Алесь Зарэмбюк мае намер балятавацца ў Мастоўскі раённы савет. Вынікі рэгістрацыі кандыдатаў будуць вядомыя толькі пасьля 18 гадзіны.

У Менскім гарсавеце зьбіраецца засядаць граф

Граф Аляксандар Прушынскі – актывіст незарэгістраванай дагэтуль партыі БХД афіцыйна стаў кандыдатам у дэпутаты сталічнага гарсавету па Трактаразаводзкай выбарчай акрузе № 57.

Сацыял-дэмакрата зарэгістравалі ў Новалукомлі

Сябар Аргкамітэту па стварэньні БСДП (НГ) Іван Юбко зарэгістраваны кандыдатам у дэпутаты і ў гарадзкі, і ў віцебскі абласны савет.

У Берасьці 11 з 12 сацыял-дэмакратаў зарэгістраваныя кандыдатамі ў дэпутаты

Адмоўлена ў рэгістрацыі толькі Аляксею Коўтуну на той падставе, што ён зьяўляецца студэнтам ВНУ ў Гданьску.

Магілёўшчына: Шасьцёра апазыцыянэраў — кандыдаты на дэпутацтва

На Магілёўшчыне пакуль зарэгістраваныя кандыдатамі ў дэпутаты мясцовых саветаў толькі шасьцёра апазыцыйных актывістаў. Усяго за дэпутацтва выказалі жаданьне пазмагацца чатыры дзясяткі апазыцыянэраў.

У Менску зарэгістравалі яшчэ двух прадстаўнікоў БХД

Два прадстаўнікі незарэгістраванай дагэтуль партыі Беларускай хрысьціянскай дэмакратыі – Ірына Губская і Віктар Янчурэвіч сёньня афіцыйна набылі статус кандыдатаў у дэпутаты Менскага гарадзкога савету.

Давер да ўлады зьнік у паводцы

Заўтра ў Беларусі завяршаецца рэгістрацыя кандыдатаў у дэпутаты мясцовых саветаў. Паводле Цэнтравыбаркаму, усяго прэтэндэнтамі ў кандыдаты вылучана 25 475 чалавек.

Аўтухоў распачынае агітацыйную працу

Старшыня Гарадоцкай раённай суполкі Партыі БНФ будзе балятавацца ў абласны савет. Выбарчая камісія зацьвердзіла Леаніда Аўтухова кандыдатам у дэпутаты Віцебскага аблсавету і ўжо ўручыла пасьведчаньне.

У Мёрах не зарэгістравалі двух актывістаў БХД

Валеры Валажонак і Багуслаў Мацук самі зьбіралі подпісы за вылучэньне ў Віцебскі абласны савет. Але іх не зарэгістравалі, таму што больш як 15% тых, хто за іх падпісаўся, адмовіліся ад сваіх подпісаў.

Віцебская абласная выбарчая камісія не прыняла прапановы актывістаў

Паводле старшыні абласной арганізацыі партыі “Справядлівы сьвет” Мікалая Селівашкі, на апошнім пасяджэньні не разглядалася ні пытаньне пра парушэньні ў нарэзцы акругаў, ні пытаньне пра неабходнасьць навучаньня для недасьведчаных сяброў тэрытарыяльных камісій.

Ваўчанін і Камароўскі пазмагаюцца ў Жодзіне

Сёньня ў Жодзіне зарэгістравалі кандыдатаў у дэпутаты гарадзкога савету. Тут выбары адбудуцца ў 34-х акругах.

Скрабца не зарэгістравалі кандыдатам у дэпутаты

Сёньня тэрытарыяльная камісія не зарэгістравала былога дэпутата Палаты прадстаўнікоў і палітвязьня, а цяпер беспрацоўнага Сяргея Скрабца ў якасьці кандыдата ў дэпутаты Менскага гарадзкога савета па Лагойскай выбарчай акрузе № 44.

Без апазыцыйных кандыдатаў канкурэнтных выбараў ня будзе

На Гомельшчыне ў бальшыні выбарчых акругаў адсутнічае канкурэнцыя ў барацьбе за дэпутацкія мандаты. Прыкладам, у сельскія саветы больш як у 2200 акругах, што складае 98 адсоткаў ад агульнай колькасьці, балятуецца толькі па аднаму кандыдату.

Ці патрэбна апазыцыі ўдзельнічаць у выбарчай кампаніі?

Зьезд Аб’яднанай грамадзянскай партыі прыняў рашэньне аб выхадзе з кампаніі мясцовых выбараў. Ці слушнае гэтае рашэньне? Ці можна такім чынам паўплываць на дэмакратызацыю выбарчага працэсу? Як можна дасягнуць кансалідаваных дзеяньняў апазыцыі?

“АГП прыняла найлепшае рашэньне ў гэтай сытуацыі”

На зьезьдзе АГП 21 сакавіка было прынята рашэньне, што партыя выходзіць з кампаніі мясцовых выбараў. За дзень да гэтага сойм Партыі БНФ заклікаў кандыдатаў ад партыі працягнуць свой удзел у кампаніі, каб данесьці пазыцыю Партыі БНФ па найбольш важных сацыяльна-эканамічных і палітычных пытаньнях. Чаму розныя апазыцыйныя партыі па-рознаму ставяцца да фармату свайго ўдзелу ў мясцовых выбарах? Ці прайшла ўлада ў гэтай выбарчай кампаніі «тэст на лібэралізацыю»? На гэтыя пытаньні адказвае публіцыст Вадзім Казначэеў.

Моладзевыя актывісты зьбіралі подпісы за сьвятлафор

Міжнароднае моладзевае грамадзкае аб’яднаньне «Рух „Маладая Беларусь“» сабрала 500 подпісаў грамадзян — жыхароў Куйбышаўскай 46-й выбарчай акругі — пад зваротам з патрабаваньнем усталяваць сьвятлафор на пешаходным пераходзе на вуліцы Куйбышава, побач з крамай «Дзясятачка».

Байкатаваць? Ці пачакаць?

Дэмакратычныя актывісты па-ранейшаму абмяркоўваюць адно пытаньне —ці спыняць ім свой удзел у выбарчай кампаніі?

Выбары: застацца, каб сабраць факты фальшаваньня

Дэлегаты зьезду Аб’яднанай грамадзянскай партыі, які адбыўся 21-га сакавіка, ня толькі прынялі рашэньне спыніць удзел у выбарчай кампаніі, але і заклікалі “ўсе палітычныя партыі і грамадзкія аб’яднаньні, усіх, хто змагаецца за дэмакратычныя зьмены ў краіне, падтрымаць гэтае рашэньне і далучыцца да яго”.

“Эўрапейская кааліцыя” дае свабоду сваім актывістам на выбарах

Каардынацыйны камітэт “Эўрапейскай кааліцыі” з разуменьнем паставіцца да тых кандыдатаў у дэпутаты мясцовых саветаў, якія вырашаць спыніць свой удзел у выбарчай кампаніі.

АГП спыняе ўдзел у мясцовых выбарах

Зьезд Аб’яднанай грамадзянскай партыі, які адбыўся ў нядзелю 21-га сакавіка, прыняў рашэньне аб спыненьні ўдзелу ў кампаніі па выбарах дэпутатаў мясцовых саветаў. Супраць такога рашэньня галасавала трэцяя частка дэлегатаў – 37 са 112 зарэгістраваных.

БНФ заклікаў сваіх кандыдатаў працягваць удзел у выбарах

Сойм Партыі БНФ, які адбыўся ў Менску 20 сакавіка, заклікаў кандыдатаў ад партыі працягнуць свой удзел у кампаніі, каб данесьці пазыцыю Партыі БНФ па найбольш важных сацыяльна-эканамічных і палітычных пытаньнях

Выбары: удзельнічаць ці ігнараваць?

На гэтым тыдні скончыўся этап падачы дакумэнтаў на рэгістрацыю патэнцыйнымі кандыдатамі ў дэпутаты мясцовых саветаў Беларусі. Да 25 сакавіка ўключна выбарчыя камісіі правяраюць дэклярацыі аб маёмасьці і прыбытках, сапраўднасьць подпісаў выбарцаў ды іншыя дакумэнты.

Гульцы й глядыятары

Улады прыхоўваюць інфармацыю ад выбаршчыкаў

Ужо на наступным тыдні павінны быць зарэгістраваныя кандыдаты ў дэпутаты мясцовых саветаў. 25-га сакавіка — апошні тэрмін для гэтага. Між тым «Свабода» атрымлівае зьвесткі пра тое, што ўлады і афіцыйныя СМІ прыхоўваюць зьвесткі пра склад і працу ўчастковых камісіяў. Выяўляюцца і іншыя парушэньні выбарчага заканадаўства.

Актывісту БХД з Глыбокага адмовілі ў рэгістрацыі

Актывіст стваранай партыі БХД зьбіраўся балятавацца ў Глыбоцкі райсавет, але амаль 20 адсоткаў подпісаў за вылучэньне прызналі несапраўднымі.

Парушэньне выбарчага заканадаўства — проста тэхнічная памылка

Суд Кастрычніцкага раёну Магілёва не задаволіў скаргі рады абласной арганізацыі руху «БНФ «Адраджэньне» супраць адміністрацыі Кастрычніцкага раёну. Нагодай для суду сталася тое, што прадстаўніка апазыцыйнай арганізацыі не запрасілі на паседжаньне па фармаваньні складу ўчастковых камісіяў.

Апазыцыя думае: абвясьціць байкот зараз ці пачакаць?

У Беларусі да 25 сакавіка будзе доўжыцца рэгістрацыя кандыдатаў у дэпутаты мясцовых саветаў. Зараз выбарчыя камісіі пераправяраюць дакладнасьць подпісаў, сабраных прэтэндэнтамі, а таксама фінансавых дэклярацыяў ды іншых дакумэнтаў.

АГП аспрэчвае, суд – адхіляе

Судзьдзя Чыгуначнага раёну Гомеля Віталь Козыраў адхіліў прэтэнзіі гарадзкой арганізацыі АГП да раённай адміністрацыі з прычыны неўключэньня 20 партыйных вылучэнцаў у склад участковых выбарчых камісіяў.

У Магілёве сфармаваная ўчастковая камісія з парушэньнем заканадаўства

Суд Кастрычніцкага раёну Магілёва выявіў парушэньне ў фармаваньні ўчастковай камісіі № 100. У яе ўключаныя двое прадстаўнікоў раённай арганізацыі грамадзкага аб’яднаньня «Беларускі фонд міру». Факт парушэньня выбарчага заканадаўства быў выяўлены падчас разгляду скаргі рады абласной арганізацыі руху «БНФ Адраджэньне» супраць адміністрацыі Кастрычніцкага раёну Магілёва.

У Маладэчна звольнілі з працы ўдзельніцу выбарчай кампаніі

Сябра Партыі БНФ Тацяна Балабанская, якая вылучаецца ў якасьці кандыдата ў дэпутаты ў Маладэчна, была звольненая з працы.

Гомельскія дэмакраты падрыхтавалі да выбараў эканамічную праграму

Сёньня гомельскія палітыкі прэзэнтавалі перадвыбарчую сацыяльна-эканамічную праграму Аб’яднаных дэмакратычных сілаў рэгіёну.

Выбары: надзеі – усё меней, расчараваньня – усё больш

Выбарчыя камісіі ў рэгіёнах працягваюць праверку дакумэнтаў, пададзеных прэтэндэнтамі на кандыдатаў у дэпутаты. Гэтая працэдура будзе доўжыцца да 25-га сакавіка. Сярод апазыцыйных прэтэндэнтаў усё больш расчараваных у гэтай кампаніі.

591 партыец вылучыўся на выбары

Менавіта гэтую лічбу агучыла сёньня старшыня Цэнтарвыбаркаму Лідзія Ярмошына.

Беспрацоўны Скрабец хоча ўзначаліць Менгарсавет

Былы дэпутат Палаты прадстаўнікоў і палітвязень Сяргей Скрабец заявіў, што хоча ўзначаліць Менскі гарадзкі савет дэпутатаў.

Віцебшчына: Палітычныя партыі вылучылі 2% патэнцыйных кандыдатаў

У саветы розных узроўняў вырашылі балятавацца каля 70-ці прадстаўнікоў Беларускай парыі левых «Справядлівы сьвет», АГП, Партыі БНФ, КПБ, БСДП (Грамада).

На мясцовых выбарах будуць безальтэрнатыўныя акругі

Гэта вынікае з той інфармацыі, якую агучыла сёньня на прэсавай канфэрэнцыі старшыня ЦВК Лідзія Ярмошына.

Выбары: некаторыя ўжо заявілі пра пачатак байкоту

Сёньня пачаўся новы этап выбарчай кампаніі — рэгістрацыя кандыдатаў у дэпутаты. Цягам наступных 9 дзён выбаркамы правераць праўдзівасьць пададзеных дакумэнтаў і ў выпадку адсутнасьці парушэньняў выдадуць пасьведчаньні аб рэгістрацыі. Сьледам за гэтым пачнецца рэгістрацыя давераных асобаў кандыдатаў.

173 сябры БХД хочуць зарэгістравацца кандыдатамі

173 сябры Беларускай Хрысьціянскай Дэмакратыі падалі дакумэнты на рэгістрацыю іх кандыдатамі ў дэпутаты. Яны зьбіраюцца балятавацца ў 226 акругах.