Алесь Зарэмбюк балятуецца ў Гарадзенскі абласны савет у Малышчынскай акрузе № 8. Сакратар акруговай выбарчай камісіі Дыяна Парамонік праз тэлефон папрасіла яго сёньня прынесьці агітацыйныя матэрыялы. Іх трэба пачытаць, бо раптам ён напіша штось «ня тое», патлумачыла яна.
Паводле апошніх зьвестак Незалежнага інстытута сацыяльна-эканамічных і палітычных дасьледаваньнях, больш як 76 працэнтаў беларусаў нічога ня ведаюць пра кандыдатаў у дэпутаты мясцовых саветаў.
Кандыдат у дэпутаты Аршанскага гарсавету Дзьмітры Міхалевіч зарэгістраваўся ў адной акрузе, але цяпер балятуецца зусім па іншай.
Кандыдат на дэпутата Мазырскага райсавету, палітпрызыўнік Франак Вячорка атрымаў у друкарні “Калёр” замоўленыя улёткі. Нейкіх прэтэнзіяў да зьместу праграмы ў друкарні не было. Гэтаксама, як на радыё.
Віцебская гарадзкая выбарчая камісія зарэгістравала новага кандыдата ў дэпутаты Віцебскага гарсавету. Па Фрунзенскай выбарчай акрузе № 13 будзе балятавацца галоўны архітэктар гораду Віталь Дубік.
Падчас агітацыйнай кампаніі актывіст стваранай партыі БХД Уладзімер Рамановіч вырашыў пазнаёміцца зь меркаваньнямі выбарцаў свае акругі пра тое, што канкрэтна могуць зрабіць для іх мясцовыя саветы.
Кандыдат у дэпутаты Аляксандр Ваўчанін распачаў перадвыбарчую агітацыйную кампанію па Новай выбарчай акрузе №34 Жодзіна.
Сёньня Гомельская абласная рада Аб’яднаных дэмакратычных сілаў прыняла рашэньне адклікаць сваіх вылучэнцаў, зарэгістраваных кандыдатамі ў дэпутаты мясцовых саветаў.
Ад удзелу ў выбарах адмовіліся чацьвёра кандыдатаў у дэпутаты гарадзкога савету. У Лазоўскай выбарчай акрузе № 12 адмовілася балятавацца Галіна Барейка, у Школьнай выбарчай акрузе № 24 - Лідзія Сагідуліна; у Паўднёвай выбарчай акрузе № 25 - Галіна Багданава і Кіраўскай выбарчай акрузе № 35 - Юлія Валадзько.
Мазырская раённая газэта «Жыццё Палесся» адмовілася публікаваць праграму кандыдата ў дэпутаты райсавета, аднаго з лідэраў маладзёжнай арганізацыі Партыі БНФ «Моладзь БНФ» Франака Вячоркі, які цяпер служыць ў войску.
Выступ Алега Рамашкевіча, які балятуецца ў абласны Савет ад партыі БСДП “Грамада” у Бераставіцкім раёне скарацілі амаль на дзьве хвіліны і зьмянілі час эфіру.
Сёньня лідэры дэмакратычных партыяў і арганізацый Беларусі выступілі з заявай, што ў краіне няма рэальных выбараў. З прычыны ціску на дэмакратычных актывістаў і наўмыснага іх адсеву ўжо менш як 500 прадстаўнікоў апазыцыі працягваюць удзел у выбарах, а гэта толькі 2% ад усіх зарэгістраваных кандыдатаў.
На афіцыйным сайце Віцебскага гарвыканкаму зьявілася паведамленьне, што палітычныя партыі ды працоўныя калектывы могуць вылучыць аднаго новага кандыдата ў дэпутаты, бо ўжо зарэгістраваны безальтэрнатыўны кандыдат Андрэй Голуб “выбыў пасьля рэгістрацыі”.
Радыёвыступ кандыдата ў дэпутаты Гарадзенскага абласнога савету Алеся Зарэмбюка (Малышчынская выбарчая акруга №8) паставілі ў іншы, ня ўзгоднены зь ім, час. Ён напісаў з гэтай нагоды скаргу ў Цэнтравыбаркам.
Дыпляматы 16 акрэдытаваных у Беларусі дзяржаў выказалі жаданьне назіраць за выбарамі ў мясцовыя саветы і зьвярнуліся ў Цэнтравыбаркам.
Лідэры 13 партыяў і грамадзкіх аб'яднаньняў прынялі сумесную заяву наконт таго, што выбараў у Рэспубліцы Беларусь па-ранейшаму няма.
Кандыдат у дэпутаты Мазырскага райсавету, палітпрызыўнік Франак Вячорка сёньня павінен атрымаць з паліграфічнага прадпрыемства “Калёр” свае перадвыбарчыя ўлёткі.
Пасьля звароту ў Цэнтральную выбарчую камісію кандыдата ў дэпутаты Мазырскага райсавету, палітпрызыўніка Франка Вячорку ўжо тры разы выпускалі пад аховай з вайсковай часткі ў горад.
Гэты тыдзень выбарчай кампаніі па абраньню дэпутатаў мясцовых саветаў можна назваць пэрыядам скаргаў і пратэстаў. Выбарчыя камісіі адмовілі ў рэгістрацыі 318 асобам. Большая палова зь іх абскардзіла гэтыя рашэньні. Аднак толькі кожную пятую скаргу задавальняюць.
Жыхары дома № 4 па вуліцы Астроўскага ў Магілёве пагражаюць байкатаваць выбары ў мясцовыя саветы, калі ўлады ня зьвернуць увагі на праблемы іх дома. Людзі патрабуюць капітальнага рамонту «хрушчоўкі», узьведзенай у 1971 годзе. Таксама яны патрабуюць пакараць чыноўнікаў, якія ігнаруюць іх звароты.
Гомельская абласная выбарчая камісія ня выканала патрабаваньне артыкула 68 Выбарчага кодэксу — не апублікавала ў сямідзённы тэрмін у СМІ зьвесткі пра кандыдатаў у дэпутаты абласнога савету.
Астравецкіх актывістаў Івана Крука і Мікалая Ўласевіча не зарэгістравалі кандыдатамі ў райсавет. У абласной камісіі, куды Іван Крук адмыслова паехаў на разгляд скаргі, сказалі, што цалкам згодныя з рашэньнем раённай камісіі. Пераважная большасьць акругаў у вобласьці – з адным праўладным кандыдатам.
Менскі гарадзкі суд сёньня абавязаў выбарчую камісію Савецкага раёну сталіцы зарэгістраваць актывіста стваранай партыі БХД Рыгора Літвіна кандыдатам у дэпутаты па 46-й Куйбышаўскай акрузе.
Выбарчая камісія забараніла трансьляваць ужо запісаны на мясцовым радыё выступ. А таксама вынесла папярэджаньне незалежнаму кандыдату ў дэпутаты райсавету.
ЦВК зьвярнуўся ў Мінабароны з просьбай даць указаньне камандаваньню часткі, дзе служыць Франак Вячорка, адпусьціць таго ў кароткатэрміновы адпачынак, каб ён мог правесьці перадвыбарчую агітацыю.
Алесь Зарэмбюк з Мастоў лічыць, што спэцслужбы хочуць дыскрэдытаваць яго як кандыдата ў дэпутаты Мастоўскага раённага і Гарадзенскага абласнога саветаў.
Актывісты Партыі БНФ са Сьветлагорску вырашылі спыніць свой далейшы ўдзел у сёлетняй выбарчай кампаніі. Адмовіўся балятавацца кандыдатам у дэпутаты Гомельскага абласнога савету Віктар Ахрамчук, вылучаны кандыдатам паводле партыйнага пратаколу.
Замест агітацыйнай працы ў сваіх акругах і на выбарчых участках некаторыя кандыдаты ў дэпутаты мусяць губляць час на вырашэньне канфліктных сытуацыяў. Якраз пра такія выпадкі даведваліся сёньня рэгіянальныя карэспандэнты «Свабоды».
Грамадзкі актывіст, сябра Партыі БНФ Уладзімер Целяпун з Мазыра зарэгістрваны кандыдатам у дэпутаты Гомельскага аблсавету ў Палескай выбарчай акрузе № 43. Яго зарэгістравала абласная выбарчая камісія на падставе скаргі.
Алесь Лагвінец зарэгістраваны кандыдатам у дэпутаты ў Менскі гарсавет у менскім мікрараёне Сухарава. «Свабодзе» Алесь Лагвінец распавёў пра мясцовыя праблемы і падзяліўся меркаваньнямі пра актыўнасьць жыхароў мікрараёну адносна выбараў. Глядзіце відэа.
На Магілёўшчыне, сьцьвярджаюць афіцыйныя крыніцы, самая высокая ў Беларусі канкурэнцыя кандыдатаў у дэпутаты сельскіх саветаў: амаль два вылучэнцы на адно дэпутацкае месца. Сёньня наш магілёўскі карэспандэнт наведаў вёску Брылі, каб пацікавіцца, як там адбываецца выбарчая кампанія.
Моладзевая кааліцыя «Новае Пакаленьне» падвяла вынікі этапу рэгістрацыі кандыдатаў у дэпутаты.
Беларуская дэмакратычная апазыцыя лічыць, што патрэбны дадатковыя зьмены ў выбарчае заканадаўства. Пра гэта яе прадстаўнікі заявілі сёньня на сустрэчы з супрацоўнікамі Бюро дэмакратычных інстытутаў і правоў чалавека (БДІПЧ) АБСЭ, якія знаходзяцца ў Менску.
Франак Вячорка ня мае магчымасьці як кандыдат у дэпутаты мясцовых саветаў сустракацца з выбарцамі. Яго амаль два тыдні трымаюць у санчастцы. Гэта адбылося пасьля таго, як Франак абсьледаваўся ў вайсковым шпіталі № 432, а таксама ў цэнтры кардыялёгіі. Мэдыкі прызналі Франка непрыдатным для службы ў войску.
Кандыдат у дэпутаты абласнога савету Зьміцер Кухлей зьвярнуўся са скаргай у Цэнтравыбаркам на рашэньне Мастоўскага райвыканкаму, згодна зь якім у цэлым раёне выдзелены толькі два месцы для правядзеньня масавых мерапрыемстваў.
З 26 сакавіка ў Беларусі праходзіць перадвыбарчая агітацыя. Яе вядуць афіцыйна зарэгістраваныя кандыдаты ў дэпутаты і іх давераныя асобы. Гэта найбольш працяглы этап кампаніі.
У Віцебску зьявіліся аб’явы пра сустрэчу з кандыдатамі, якая будзе праводзіцца ў СШ № 12. У пераліку месцаў для правядзеньня сходаў, вызначаных Першамайскай раённай адміністрацыяй, гэтай навучальнай установы няма.
Кандыдат у дэпутаты Віцебскага Мікалай Петрушэнка аблсавету даслаў у аблвыканкам тэлеграму, каб у рэгіёне праверылі якасьць радыёсувязі і каб не было «непаладак на лініі».
Тамара Карызна, віцебская актывістка партыі БНФ і руху «За свабоду» , адмовілася змагацца за месца дэпутата ў Шаркоўшчынскім райсавеце, бо ёй прыгразілі звальненьнем з працы.
Сёньня мінае 5-ы дзень, як дазволеная перадвыбарчая агітацыя кандыдатаў у дэпутаты мясцовых саветаў. Але многія кандыдаты агітацыю яшчэ не пачалі, бо ня маюць друкаваных улётак са сваёй праграмай і біяграфіяй. Узьнікаюць праблемы і ў выкарыстаньні пляцовак для сустрэчаў з выбарцамі. Акрамя таго, кандыдаты ад партыяў наракаюць на адсутнасьць дапамогі зь Менску.
Эўразьвяз спадзяецца, што беларускія ўлады прыкладуць усе неабходныя намаганьні для таго, каб мясцовыя выбары 25 красавіка адпавядалі міжнародным стандартам і нормам АБСЭ.
Альтэрнатывай кіраўнікам рознага ўзроўню, якія балятуюцца ў Аршанскі гарсавет, будуць апазыцыянэры і мэдработнікі.
Праваабаронца Барыс Бухель: «Я буду скардзіцца ў абласную пракуратуру, няхай разьбіраюцца, ці можна зьбірацца каля будынка, зь якога ўжо сыплецца тынкоўка»
Ніводнага рабочага, мэханізатара ці даяркі або прадпрымальніка сярод кандыдатаў няма.
Ад удзелу ў выбарчай кампаніі адмовіліся двое партыйцаў— Уладзімер Кунцэвіч з Наваполацку і Ніна Кавалёва зь Віцебску.
Беларуская апазыцыя дагэтуль так і ня выпрацавала супольнай пазыцыі наконт удзелу альбо зьняцьця сваіх кандыдатаў з кампаніі мясцовых выбараў. Кансультацыі будуць працягнутыя пасьля выходных. А ў пятніцу сталі вядомыя вынікі рэгістрацыі кандыдатаў у дэпутаты.
Старшыня Віцебскага аргкамітэту руху “За свабоду”, сябра БНФ Хрыстафор Жаляпаў балятуецца ў Віцебскі абласны савет па Лёзненскай выбарчай акрузе.
Дзейны сябра прэзыдыюму Віцебскага абласнога савету дэпутатаў Георгі Мурашка, які зноў балятуецца і ў абласны, і ў раённы саветы, адмовіўся ад выступу па абласным радыё.
Дыскусія беларускай апазыцыі, якая цягнулася сёньня дзьве гадзіны, не прынесла плёну. Апазыцыянэры ня выпрацавалі супольнай пазыцыі наконт удзелу альбо зьняцьця сваіх кандыдатаў з кампаніі мясцовых выбараў.
Паводле папярэдніх падлікаў, кандыдатамі ў дэпутаты сталі больш як дзьве сотні апазыцыянэраў. Пра навіны выбарчай кампаніі інфармуюць рэгіянальныя карэспандэнты “Свабоды”.
Загрузіць яшчэ
