“Так, сёньня выступіў пракурор. Якое пакараньне ён запрасіў для Аляксандра Зьдзьвіжкова, сказаць не магу, бо працэс закрыты”, — сказала “Радыё Свабода” адвакатка журналіста Мая Аляксандрава. Паводле адвакаткі, прысуд Аляксандру Зьдзьвіжкову будзе вынесены ў бліжэйшыя дні.
Нагадаем, журналіста судзяць паводле артыкулу аб распальваньні рэлігійнай варожасьці. Пракуратура лічыць злачынствам тое, што пад кіраўніцтвам Аляксандра Зьдзьвіжкова ў лютым 2006 году ў “Згодзе” былі надрукаваныя карыкатуры на прарока Мухамэда. Аляксандар Зьдзьвіжкоў, якому пагражае да 10 гадоў зьняволеньня, назваў гэтыя абвінавачаньні “юрыдычна нікчэмнымі”.
Нагадаем, журналіста судзяць паводле артыкулу аб распальваньні рэлігійнай варожасьці. Пракуратура лічыць злачынствам тое, што пад кіраўніцтвам Аляксандра Зьдзьвіжкова ў лютым 2006 году ў “Згодзе” былі надрукаваныя карыкатуры на прарока Мухамэда. Аляксандар Зьдзьвіжкоў, якому пагражае да 10 гадоў зьняволеньня, назваў гэтыя абвінавачаньні “юрыдычна нікчэмнымі”.
