Пра гэта паведамляе блізкі да адміністрацыі Лукашэнкі ТГ-канал «Пул Первого».
Паводле каналу Лукашэнка пасьля перамоваў распавёў журналістам, што падчас сустрэчы заслухаў разам з прэзыдэнтам Расеі даклад Генштабу Узброеных сілаў РФ. «З кабінэту Пуціна — гэта быў сэлектар», — патлумачыў Лукашэнка. І дадаў: «Уладзімір Уладзіміравіч нічога не хавае ад мяне».
Раней паведамлялася, што Лукашэнка на сустрэчы заявіў, што другую атамную станцыю можна пабудаваць на ўсходзе Беларусі, і сказаў, што гэтая новая АЭС зможа забясьпечваць энэргіяй акупаваныя Расеяй рэгіёны Ўкраіны, якія ён назваў «вызваленымі».
Ён таксама распавёў Пуціну, што ў Беларусі займаюцца майнінгам крыптавалют на рэзэрвовых магутнасьцях, якія трымаюць у энэргасыстэме для падтрыманьня яе стабільнасьці на выпадак спыненьня АЭС або пікавых нагрузак: «Яшчэ адзін спажывец зьяўляецца моцным. Вельмі магутны. У нас станцыі, якія былі на газе, мы ў халодным рэжыме іх трымаем. Мы там якраз майнінг робім. Замежнікі плацяць грошы ў бюджэт, і гэтыя станцыі працуюць. Таму мы ў "Газпрома" практычна закупляем і будзем закупляць тыя ж аб’ёмы газу. Я думаю, што "Газпром" у накладзе тут не застанецца. Усюды сёньня патрэбны прыродны газ».
Форум