Гэта вынікае з апошняй справаздачы Белстату.
Летась дэфіцыт зьнешняга гандлю таварамі за 7 першых месяцаў году складаў 2,3 мільярда даляраў, за год — рост у паўтара разу.
Сёлета за першае паўгодзьдзе адмоўнае сальда зьнешняга гандлю Беларусі склала паводле Белстата 3,2 мільярда даляраў.
Напрыканцы жніўня Нацыянальны банк (НББ) апублікаваў справаздачу аб зьнешнім гандлі ў першым паўгодзьдзі 2025 году ня толькі таварамі, але і паслугамі.
Паводле дадзеных НББ, адмоўнае сальда ў замежным гандлі таварамі па выніках студзеня — чэрвеня склала 2,8 мільярда даляраў. Гэтая ацэнка Нацбанкам сальда ў гандлі адрозьніваецца ад ацэнкі Белстатам дэфіцыту ў гандлі таварамі за той жа пэрыяд. Нацбанк і Белстат карыстаюцца рознымі мэтодыкамі падліку гандлёвых патокаў, адсюль і розныя вынікі.
Паводле Нацбанку, зьнешні гандаль Беларусі паслугамі ў студзені — чэрвені меў станоўчае сальда ў памеры 1,8 мільярда даляраў.
У выніку агульнае адмоўнае сальда замежнага гандлю таварамі і паслугамі склала ў студзені — чэрвені прыкладна мільярд даляраў.
Форум