Адміністратары чату «Беласток | Белосток | Białystok» паведамілі выданьню MOST, што прычынай блякаваньня стаў мэтанакіраваны напад з выкарыстаньнем акаўнту, зарэгістраванага на расейскі нумар.
Паводле адміністратараў, невядомы ў ноч на 17 красавіка размясьціў у чаце нелегальны зьмест «для дарослых» — праз гэта ўмяшалася служба мадэрацыі Тэлеграму.
Адміністратары чату апэратыўна заблякавалі парушальніка, а публікацыю выдалілі на працягу паўгадзіны. Тым ня менш нехта пасьпеў зрабіць скрыншот паведамленьня і накіраваць скаргу адміністрацыі Telegram.
Адміністратары чату ўжо зьвярнуліся ў службу падтрымкі плятформы і чакаюць аднаўленьня працы чату. Да блякаваньня ў чаце было 7418 падпісантаў.
Чат «Беласток» быў створаны ў 2020 годзе і спачатку аб’ядноўваў беларусаў, якія пакінулі краіну пасьля пратэстаў і рэпрэсіяў. З пачатку расейскай поўнамаштабнай вайны ва Ўкраіне да супольнасьці далучыліся і ўкраінскія ўцекачы, якія пераехалі ў Падляскае ваяводзтва Польшчы.
Форум