Навіну пра гэта зьмясьціла ў сваім Фэйсбуку Лібійская нацыянальная армія:
Прэс-служба лібійскай арміі выклала фатаздымкі падрыхтоўкі вайскоўцаў 36-га батальёна спэцназу Лібійскай нацыянальнай арміі, зробленыя, верагодна, у Беларусі ў канцы лютага 2025 году. На кадрах — навучальны цэнтар МУС «Волаўшчына».
Батальён падпарадкоўваецца сыну лідэра арміі Садаму Хафтару. У паведамленьні адзначаецца, што стажыроўка лібійскіх спэцназаўцаў у Беларусі адбывалася на загад кіраўніка ЛНА Халіфа Абу аль-Касіма Хафтара.
Сёлета Аляксандар Лукашэнка прымаў вярхоўнага галоўнакамандуючага Лібійскай нацыянальнай арміі (ЛНА) Халіфа Абу аль-Касіма Хафтара. Летась Лукашэнка сустракаўся зь ягоным сынам Садамам Хафтарам, а пасьля гэтага зьявілася інфармацыя аб пастаўках у Лібію беларускай зброі.
Форум