Віцебскага актывіста судзяць за данаты
2 сьнежня ў Віцебскім абласным судзе пачаўся разгляд справы Аляксея Саламаненкі. Яму інкрымінавалі арт. 361-2 КК («Фінансаваньне экстрэмісцкай дзейнасьці»).
Справу прызначылі разглядаць Галіну Бондал.
У 2020 годзе Аляксея некалькі разоў судзілі ў адміністрацыйных справах, адзін з судоў быў за ўдзел у стрыме Сяргея Ціханоўскага.
Сілавікі прыйшлі зь ператрусам да 85-гадовай бабулі былога журналіста «Белсата»
Пра ператрус у сваякоў Сяргей Скулавец паведаміў у Facebook. Сяргей цяпер жыве ў ЗША. Летам 2023 года ён выехаў зь Беларусі, асьцерагаючыся перасьледу за прафэсійную дзейнасьць, паведамляе «БАЖ». Сутнасьць прэтэнзій і нагода для ператрусу застаюцца невядомымі. Аднак людзі, якія назваліся сьледчымі і супрацоўнікамі КДБ, цікавіліся менавіта асобай журналіста.
«Перагледзелі мабільнікі, задавалі нейкія пытаньні, а потым самі на іх адказвалі і нешта запісвалі. Бацька ж сказаў, што ў гэтым доме няма аніякіх маіх рэчаў, але гэта іх зусім не цікавіла», — распавйў Сяргей.
Акрамя таго, паводле журналіста, днямі яго родным пачалі званіць невядомыя асобы, якія прадстаўляліся супрацоўнікамі Дэпартамэнту фінансавай бясьпекі.
«Пытаюцца дзе я, маўляў, ня могуць да мяне дазваніцца», — напісаў Скулавец.
Форум