Пра гэта гаворыцца ў адказе прэм’ер-міністаркі краіны Інгрыды Шыманіце на запыт выданьня 15min.lt.
«Калі кампанія будзе прызнаная нядобранадзейнай, будуць адшуквацца іншыя магчымасьці вырабу асабістых дакумэнтаў», — цытуе словы з адказу Шыманіце выданьне reform.news.
Раней 15min.lt і «Беларускі расьсьледніцкі цэнтар» пры падтрымцы «Кібэрпартызанаў» апублікавалі расьсьледаваньне пра сувязі кампаніі «Garsų pasaulio». Дэмакратычныя сілы Беларусі зьбіраліся вырабляць з гэтай кампаніяй «пашпарты новай Беларусі».
Расьсьледнікі прыйшлі да высновы, што паміж кампаніяй і «кашальком Лукашэнкі» Віктарам Шаўцовым існуе сувязь. Пазьней Дэпартамэнт дзяржбясьпекі Літвы ініцыяваў праверку.
Як вынікае з адказу Шыманіце, дзейнасьць кампаніі правярае таксама Служба расьсьледаваньняў фінансавых злачынстваў пры МУС. Таксама паведамляецца, што Камітэт нацыянальнай бясьпекі і абароны Сейму Літвы абяцае высьветліць сытуацыю на закрытых пасяджэньнях.
Форум