Жылы сэктар у акупаваным Расеяй горадзе Такмак Запароскай вобласьці трапіў пад абстрэл, загінулі дзесяць чалавек, паведамляе прызначаны расейскімі ўладамі «кіраўнік» акупаванага рэгіёну Яўген Баліцкі.
Паводле яго, сярод загінулых — трое дзяцей. Двое чалавек лічацца зьніклымі бязь вестак. Разбор завалаў працягваецца.
Раніцай 13 красавіка Баліцкі напісаў, што пацярпелі 13 чалавек, іх шпіталізавалі ў гарадзкую бальніцу. Пазьней яшчэ пяць чалавек выцягнулі з-пад завалаў. Ім надаюць неабходную мэдыцынскую дапамогу, трое знаходзяцца ў цяжкім стане.
Паводле Балицкага, у выніку атакі бяз газу засталіся 25 дамоў прыватнага сэктара і 9 шматпавярховых дамоў. Людзям, якія засталіся бяз дому, выдзелілі часовае жытло.
Атака адбылася ўвечары 12 красавіка. Баліцкі абвінавачвае ў здарэньні Ўзброеныя сілы Ўкраіны.
Украіна пакуль не камэнтавала гэтыя паведамленьні.
Радыё Свабода ня можа апэратыўна праверыць заявы афіцыйных асобаў бакоў канфлікту ва ўмовах ваеннага часу.