Здарэньне адбылося 14 студзеня пры руху цягніка рэгіянальных ліній эканом-клясы нумар 6926 Менск-Пасажырскі — Пухавічы (у адпаведнасьці з графікам адпраўленьне ў 20:25, прыбыцьцё 21:52) на перагоне Міханавічы (прыбыцьцё ў 20:55) — Рудзенск (прыбыцьцё ў 21:18).
У тамбуры адбылося ўзгараньне другога па ходзе руху вагона ў электрацягніку ЭР9 прыпіскі маторвагоннага дэпо Менск (ТЧ-9, Менскае аддзяленьне БЧ).
Для тушэньня пажару на месца здарэньня прыбылі ратавальнікі.
Пажар зьліквідавалі ў 21:42. Пацярпелых няма.
