Сьвята-Елісавецінскі манастыр зьбірае ахвяраваньні, якія адпраўляюць у акупаваную Расеяй Данецкую вобласьць.
«Мікалай Гаўрылаў раніцай заяжджаў у манастыр. Перадалі яму сабраныя ахвяраваньні. І адразу ад нас адправіўся на Данбас», — паведамілі ў пачатку году ў тэлеграм-канале Сьвята-Елісавецінскага манастыра.
Гэтыя ахвяраваньні нібыта плянуюць перадаць 40 хворым дзецям горада Горлаўка ў Данецкай вобласьці.
Сьвята-Елісавецінскі манастыр, што пад Менскам, вядомы сваёй адкрытай падтрымкай расейскай ваеннай агрэсіі супраць Украіны. Прычым робіць гэта ня толькі на ўзроўні рыторыкі, але і зьбірае грошы на рыштунак для расейскіх вайскоўцаў.
У верасьні 2023 году кіраўнік расейскай акупацыйнай улады так званай «ДНР» Дзяніс Пушылін узнагародзіў манастыр граматай на знак удзячнасьці за дапамогу і падтрымку.
