«Калі ўлічыць праблему кантрабанды, тое, што сёньня на мяжы зь Беларусьсю павінны знаходзіцца супрацоўнікі... Мы сапраўды абмяркоўваем пэўныя варыянты, канкрэтна для вырашэньня гэтых праблем», — цытуе міністарку Delfi.
Што тычыцца пагрозаў бясьпецы Літвы, паводле міністаркі, «такой інфармацыі на гэты момант няма», але Літва «гатовая да адпаведных сцэнароў».
Білатайце падкрэсьліла важнасьць наяўнасьці агульнага для Літвы і суседніх краін ЭЗ пляну па гарантаваньні бясьпекі межаў і выпрацоўцы агульнага адказу на магчымыя пагрозы або правакацыі зь беларускага боку мяжы. Гэтае пытаньне, нагадала яна, абмяркуюць 28 жніўня ў Варшаве на сустрэчы кіраўнікоў МУС Польшчы і краінаў Балтыі.
- Тыдзень таму Літва закрыла два памежныя пераходы на мяжы зь Беларусьсю. Сярод прычын закрыцьця, апроч імавернай пагрозы вагнэраўцаў і плыні нелегальных мігрантаў зь Беларусі, таксама казалі пра тое, што закрытыя пераходы «Шумск» і «Цьверач» былі слабей абсталяваныя тэхнічна, таму праз іх маглі ісьці кантрабандныя тавары.
- Днямі ў Літву перахапілі буйную партыю з амаль мільёна пачкаў кантрабандных беларускіх цыгарэт. 6 жніўня літоўскія мытнікі затрымалі груз з 891 тысяч пачкаў кантрабандных цыгарэт (коштам каля 3,5 млн эўра), 29 ліпеня партыю ў мільён пачкаў цыгарэт (коштам больш за 4 мільёны эўра), 30 чэрвеня — 850 тысяч пачкаў нелегальных цыгарэт.
- За першае паўгодзьдзе літоўская мытня затрымала амаль 6,5 млн пачкаў беларускіх цыгарэт і 32 тон тытуню. Агульны кошт кантрабанды перавышае 26 млн эўра. Паводле Крымінальнай мытнай службы Літвы, 82% цыгарэт, якія з пачатку 2023 году трапілі ў Літву кантрабандным шляхам, выраблена ў Беларусі.
