Камандна-штабное вучэньне праходзіць з 6-й асобнай гвардзейскай мэханізаванай брыгадай на Госкім палігоне ў Горадзенскай вобласьці. Ён за некалькі дзясяткаў кілямэтраў ад межаў з Польшчай і Літвой. Непадалёк — так званы Сувальскі калідор (памежныя тэрыторыі Польшчы і Літвы, які месьцяцца паміж тэрыторыяй Беларусі і Калінінградзкай вобласьцю Расеі.
Паведамляецца, што пры падрыхтоўцы вучэньняў актыўна выкарыстоўваўся досьвед расейска-ўкраінскай вайны. Вучэньні прадугледжваюць шырокае ўжываньне бесьпілётнікаў і шчыльнае ўзаемадзеяньне танкавых і мотастралковых падразьдзяленьняў з падразьдзяленьнямі іншых родаў войскаў.
