З 1 красавіка ў Беларусі пераглядзяць бязмытныя ліміты на ўвоз тавараў з-за мяжы праз наземныя межы. У табліцы Дзяржаўнага мытнага камітэту ўжо ўказваецца дата зьмяненьня лімітаў — 1 красавіка 2023 году.
Цяпер «столь» — да 1000 эўра і 31-га кіляграму. Гэта значыць бязмытыя ліміты па кошце маюць намер скараціць у два разы.
Цяперашнія бязмытныя ліміты на ўвоз тавараў з-за мяжы праз наземныя межы ўвялі на ўзроўні Эўразійскага эканамічнага зьвязу ў красавіку 2022 году — да 1 кастрычніка, а потым працягнулі яшчэ на паўгода — да 1 красавіка 2023 году.
Калі перавысіць ліміты, трэба будзе заплаціць мыта ў памеры 30% ад кошту, але ня менш за 4 эўра за 1 кіляграм перавышэньня. Што тычыцца правозу цыгарэт, то, як і цяпер, так і ў красавіку, ліміт — 200 цыгарэт, або 50 цыгар (цыгарыл), або 250 грамаў тытуню (або гэтыя тавары ў асартымэнце агульнай вагой ня больш за 250 грам на аднаго паўналетняга). Абмежаваньні па алькаголю — 3 літры на аднаго паўналетняга.
Калі ляцець самалётам, тады бяспошлінныя ліміты на ўвоз тавараў з-за мяжы складаюць 10 000 эўра і 50 кіляграм.
