Уладзімір Вакуленка – дзіцячы пісьменьнік, паэт, ляўрэат шматлікіх літаратурных прэмій.
На пачатку кастрычніка 2020 году, дзякуючы ідэям і ініцыятыве пісьменьніка, ва Ўкраіне выдалі анталёгію беларускай паэзіі «Жыве Беларусь! За нашу і вашу свабоду!». У анталёгію ўвайшлі творы 33 беларускіх аўтараў, якія перакладалі 28 перакладчыкаў з 4 краін: Украіны, Літвы, Латвіі і Польшчы.
Пра Ўладзімера Вакуленку напісаў сёньня ўспамін у сваім Фэйсбуку паэт і перакладчык Андрэй Хадановіч:
«Ва Ўладзіміра застаўся непаўнагадовы сын, які мае інваліднасьць і патрабуе дапамогі. У 2020-м Валодзя быў адным зь першых літаратараў, хто адгукнуўся на беларускія пратэсты і рэпрэсіі. Зьвярнуўся да паэтаў і перакладчыкаў — і падрыхтаваў анталёгію беларускай паэзіі «Жыве Беларусь! За нашу і вашу свабоду! Сьветлая і вечная памяць...».
Уладзімір зьнік у вёсцы Капітолаўка пад Ізюмам у сакавіку 2022 года. Адзінага сына бацькі шукалі больш за паўгода. Пазьней стала вядома, што яго выкралі расейцы.
