Кніга прысьвечаная беларускім літаратарам, забітым у 1937 годзе.
«"НЕрасстраляныя" — гэта велічэзны і вельмі значны праект што да беларускай гісторыі і культуры, — напісала на сваёй старонцы ў Фэйсбуку старшыня Беларускага ПЭНу Тацяна Нядбай. — Гэты том мае быць у бібліятэцы сучаснага культурнага беларуса. А дзякуючы вокладцы, яго прыемна браць у рукі і паважна трымаць на палічцы. Талент дызайнэра ў тым, каб візуалізаваць годнасьць, трагічнасьць і шляхетнасьць зьместу. Гэта зроблена далікатна і філігранна праз моцную графічную абстракцыю, колер, шрыфт, кампазыцыю. Дасканалы праект у адпаведнай вокладцы».
Таксама Анатоль Лазар стаў пераможцам «Выбар Белсату» за вокладку да кнігі Івана Мележа «Людзі на балоце».
Прэмія за найлепшую кніжную вокладку заснаваная ў 2019 годзе ў памяць пра мастака, дызайнэра і паэта Міхала Анемпадыстава. Узнагарода прысуджаецца беларускаму аўтару або камандзе аўтараў вокладкі. Журы ацэньвае дызайн, паліграфічнае выкананьне і адпаведнасьць афармленьня зьместу кнігі.
Ініцыятыва адзначаць найлепшую вокладку да беларускай кнігі належыць Беларускі ПЭН / PEN Belarus сумесна з Беларускі Саюз Дызайнэраў і Лятучы Унівэрсытэт / Летучий Университет / Flying University, а таксама Белсат TV, Fundacja Open Culture / Otwarta Kultura і H&L Group.
