«Масіраваны абстрэл Славянска з РСЗА (Рэактыўная сыстэма залпавага агня — РС). Самы маштабны за апошні час. Шмат забітых і параненых», — паведаміў мэр Славянска Вадзім Лях.
Паводле яго слоў, у горадзе зараз каля 15 пажараў.
Прадстаўніца Данецкай абласной ваеннай адміністрацыі Тацьцяна Ігнатчанка пазьней удакладніла, што ў выніку абстрэлу расейскімі войскамі Славянска шэсьць чалавек загінулі, 15 параненыя. Ігнатчанка таксама адзначыла, што расейскі бок нанёс удар трыма ракетамі па Краматорску — зьнішчана гасьцініца і пашкоджана дарога ў жылым масіве.
У цэлым, па дадзеных кіраўніка Данецкай АВА, з пачатку поўнамаштабнага ўварваньня РФ ва Ўкраіну ў Данецкай вобласьці загінулі 554 грамадзянскіх, 1442 чалавекі былі параненыя (без уліку ахвяр у Марыюпалі і Валнавасе).
Напярэдадні кіраўнік Данецкай АВА заявіў, што ўкраінскія ўлады кантралююць 45 працэнтаў Данецкай вобласьці, практычна ўсе населеныя пункты абстрэльваюць.
