Банкіра Андрэя Брышцелева абвінавачваюць паводле часткі 3 артыкулу 430 Крымінальнага кодэксу (атрыманьне хабару ў асабліва буйным памеры), піша «Нашай ніва».
Андрэй Брышцелеў узначальваў «Белінвэстбанк» з 2017 году. У банкаўскіх колах, паводле «Нашай нівы», Брышцелеў лічыцца пратэжэ Віктара Шэймана. Ягоны дзяржаўны банк у значнай ступені крэдытуе дзяржаўны сэктар.
Абставіны затрыманьня Брышцелева невядомыя. Санкцыя ягонага артыкулу — ад 5 да 15 гадоў са штрафам і забаронай займаць пасаду.
«Белінвэстбанк» знаходзіцца пад санкцыямі Эўразьвязу і ЗША.
