Скрыншот ліста ад карпарацыі ў рэдакцыю Zerkalo. io даслалі чытачы.
«Мы заўважылі праблему пры пацьвярджэньні вашага ўліковага запісу. Інфармацыя аб юрыдычнай асобе, зьвязаная з вашым уліковым запісам, цалкам адпавядае краіне з абмежаваным доступам або адной або некалькім краінам з зводнага кантрольнага сьпісу ўраду ЗША, санкцыйнага сьпісу іншага ўраду або сьпісу рэгіёнаў з абмежаваным доступам», — гаворыцца ў апавяшчэньні ад Apple.
Пры гэтым, як піша чытач, зыходзячы з дадзеных Аppstore connect (асабісты кабінэт распрацоўніка Apple), пад санкцыі, аб якіх кажа карпарацыя, трапляе менавіта юрыдычная асоба распрацоўніка, а ня банк, рахунак якога зарэгістраваны ў акаўнце.
«Як вынікае з таго, што я чую ад іншых калег-распрацоўнікаў — такі ліст атрымалі ўсе, хто зь Беларусі», — тлумачыць чытач.
Пра такую ж праблему напісаў у Facebook распрацоўнік Яўген Шапашнікаў: паводле яго слоў, рахунак і гульні заблякаваныя з прычыны санкцыяў. «Гульні былі бясплатныя, без рэклямы. Асоба ў мяне фізычная. Грошай я ніякіх не зарабляў, нават наадварот — плаціў штогод па $100 за наяўнасьць акаўнта», — піша праграміст.
