Мужчына (0:00-0:17)
«Мы сем’ямі прыбылі з Курдыстану. Вы самі ведаеце, што сытуацыя ў Курдыстане вельмі кепская. Цяпер мы ў лесе. Пакутуем, бо не хапае ежы і вады. Мы ў вельмі дрэнным становішчы. Тут ёсьць зусім маленькія дзеці. Некаторым толькі па два месяцы, немаўляты».
(0:17-0:33)
«Тут шмат семʼяў. Хацелася б, каб наш голас пачулі ўсе журналісты ў Эўропе, асабліва ў Нямеччыне, каб нехта прыехаў нас уратаваць — уратаваць нас ад гэтага кепскага становішча».
Чалавек за кадрам (0:33-0:37)
«А колькі ўжо дзён вы ў Беларусі?»
Мужчына (0:37-0:43)
«Некаторыя — два месяцы, некаторыя — месяц; нехта — 40 дзён, нехта — 50».
Чалавек за кадрам (0:43-0:51)
«Давайце спытаемся ў гэтай спадарыні. Вы зь дзіцем. Як вы пачуваецеся тут, у лесе?»
Жанчына (0:51-1:00)
«Мы ў вельмі кепскім становішчы. Мы ўжо пакутуем, бо не хапае ежы і вады. Мы спадзяёмся, што нехта нам неадкладна дапаможа».
Чалавек за кадрам (1:00-1:01)
«А вы, шаноўная?»
Жанчына (1:01-1:09)
«Мы спадзяёмся, што наш голас пачуюць усе, каго гэта тычыцца. Мы спадзяёмся, што яны пачуюць наш голас і прыедуць нам дапамагчы».
Чалавек за кадрам (1:09-1:11)
«Якія ў вас тут праблемы?»
Жанчына (1:11-1:26)
«У нас тут шмат праблем. Мы ня можам спаць. Ня маем ежы і вады. Тут вельмі холадна. У нас тут дзеці, якія могуць памерці праз гэта. Калі ласка, дапамажыце нам! З намі вельмі малыя дзеці. Тут ёсьць хворыя дзеці і дзеці-інваліды».
Мужчына і жанчына (1:34-1:44)
Мужчына: «Паглядзіце на гэтае дзіця, яно ня мае ног».
Жанчына: «Калі ласка, здымі ягоны абутак і адзеньне!»
Мужчына: «Паглядзіце, у яго пратэзы!»
Голас за кадрам (1:44-1:47)
«Чаго вы хочаце дасягнуць, сабраўшыся тут?»
Жанчына (1:47-2:01)
«Мы проста хочам, каб усе пачулі наш голас, каб нам дапамаглі і каб нас уратавалі адсюль. Мы сапраўды ў вельмі кепскай жыцьцёвай сытуацыі. Калі ласка, дапамажыце нам неадкладна!»
Мужчына (2:01-2:06)
«Глядзіце, калі вы пасунеце сваю камэру, дык пабачыце, як шмат тут людзей — ад 2000 да 3000».
Чалавек за кадрам (2:09-2:12)
«А што вы, маці? Ці маеце вы дзяцей?»
Жанчына (2:12-2:25)
«Так, у мяне двое дзяцей. Тут вельмі холадна. Нашыя дзеці — гэта ж ня мы, яны хварэюць праз такое надворʼе. Калі ласка, дапамажыце нам неадкладна!»
8 лістапада тысячы мігрантаў прыйшлі да калючага дроту на мяжы Беларусі з Польшчай. Урад Польшчы заявіў, што прыводзіць свае войскі ў поўную баявую гатоўнасьць. 9 лістапада Польшча закрыла памежны пераход «Кузьніца», непадалёк ад якога сабраліся мігранты. Літва ад 0 гадзін 10 лістапада ўводзіць рэжым надзвычайнага становішча ў раёнах, памежных зь Беларусьсю.
