Акрамя таго, гэтым ведамствам забаронена даваць пазыкі ў якой-небудзь валюце.
Пра гэта паведамляе DW.
Набыцьцё амэрыканскімі абмежавальнымі мерамі моцы адбылося за два дні да сустрэчы ў Жэнэве прэзыдэнтаў ЗША і РФ Джо Байдэна і Ўладзіміра Пуціна. Адносіны Расеі і шэрагу заходніх дзяржаваў, уключаючы Злучаныя Штаты, у апошнія тыдні абвастрыліся.
Прэзыдэнт Байдэн падпісаў указ пра новыя санкцыі ў дачыненьні да дзярждоўгу РФ у сярэдзіне красавіка. Вашынгтон назваў іх зьяўленьне «рашучым адказам» на «шкодніцкія дзеяньні Расеі за мяжой». Да гэтага ў дачыненьні да сувэрэннага доўгу РФ дзейнічала адзінае абмежаваньне — інвэстары са Злучаных Штатаў са жніўня 2019 году не маглі ўдзельнічаць у першасным разьмяшчэньні сувэрэнных эўрааблігацыяў.
Зараз забарона распаўсюджаная на куплю на першасным рынку любых аблігацыяў кіроўных фінансавых інстытутаў РФ, а таксама на іх крэдытаваньне.