«Калі б знаходзіўся там, унутры, была б больш зразумелая сытуацыя, – кажа Ганчарэнка. – Калі ты доўга знаходзісься за межамі краіны і нячаста там зьяўляесься, ты, можа быць, не так правільна ці востра ацэньваеш тую сытуацыю, якая ёсьць».
Далей трэнэр выказаўся аб гвалце і катаваньнях сілавікоў супраць удзельнікаў пратэстаў у Беларусі:
«Як і любы нармальны чалавек, калі б'юць просты народ амапаўцы – я катэгарычна супраць гэтага. Для людзей для ўсіх зразумела, што гэта абсалютна няправільна. Калі здаровыя мужыкі (я, дарэчы, ведаю шмат амапаўцаў, у мяне знаёмыя там ёсьць) пачынаюць біць народ – я гэтую сытуацыю ўвогуле не разумею... Тым больш мы ведаем, што гэты народ добры, ня злосны, лагодны. І проста так біць чалавека, які там ідзе, гэта абсалютна няправільна!»
Пры сустрэчы Ганчарэнка зьбіраецца сказаць пра гэта сваім знаёмым амапаўцам.
