Да арыштаванага блогера Эдуарда Пальчыса не пускаюць адвакатку Марыю Колесаву-Гудзіліну, зь якой у яго падпісаная дамова. Пра гэта напісала жонка арыштаванага Вікторыя Пальчыс.
Вікторыя Пальчыс адзначае, што невядома, ці праўда Эдуард на Акрэсьціна і ў якім ён стане.
Да блогера ўжо 10 дзён не пускаюць адвакатку, бо «каранавірус» і «ўсе кабінэты занятыя». Лісты да яго не даходзяць.
Вікторыя Пальчыс патрабуе рэалізацыі права яе мужа на абарону і камунікацыю з адвакатам.
Сувязь з блогерам Эдуардам Пальчысам зьнікла 27 верасьня. 28 верасьня жонка, Вікторыя Пальчыс, паведаміла пра яго зьнікненьне. 30 верасьня стала вядома, што Пальчыса арыштавалі на 30 сутак і ён адбывае пакараньне ў ізалятары на Акрэсьціна.
