Мы сабралі для вас навіны зь Беларусі і сьвету, датычныя каранавірусу, за 24 траўня.
Каранавірус у Беларусі і ў сьвеце. Як разьвіваюцца падзеі >>
- Міністэрства аховы здароўя Беларусі апублікавала 24 траўня новую афіцыйную статыстыку распаўсюду COVID-19. Паводле міністэрства, на 19 траўня ў Беларусі агулам 36 198 чалавек са станоўчым тэстам на COVID-19. 199 памерлых. За дзень выявілі яшчэ 954 выпадкі і прызналі яшчэ 4 сьмерці.
- Сотні людзей ўзялі ўдзел у пікетах ля менскай Камароўкі, дзе зьбіралі подпісы за прэтэндэнтаў у прэзыдэнты. Хаця ініцыятыўныя групы Сяргея Ціханоўскага і Міколы Статкевіча не былі зарэгістраваныя ЦВК, абодва лідэры прыйшлі на пікет. Пераважная колькасьць людзей была ў масках.
- Дом міласэрнасьці ля Кобрыня паведаміў пра ўспышку каранавірусу сярод выхаванцаў і апекуноў — у вёсцы Імянін выявілі 26 пастаяльцаў і 8 супрацоўнікаў з каранавірусам.
- За мінулыя суткі ў Расеі зафіксавана 153 выпадкі сьмерці ад каранавіруснай інфэкцыі COVID-19. Гэта самая высокая колькасьць памерлых за ўвесь час эпідэміі.
- Храм Гроба Гасподняга ў Ерусаліме зноў адкрылі для наведнікаў. Доступ да яго быў спынены праз карантын. Адначасова ўнутры храма змогуць знаходзіцца ня больш за 50 чалавек.
- The New York Times надрукавала тысячу імёнаў памерлых ад каранавірусу на першай старонцы. Гэта 1% усіх ахвяраў у Злучаных Штатах Амэрыкі. Так выданьне хацела адзначыць пераломную колькасьць у 100 тысяч памерлых ад COVID-19, да якога набліжаюцца ЗША.
- ЗША будуць папярэджваць сьвет пра расейскую дэзінфармацыю ў сфэры аховы здароўя.
