Расейскіх спартоўцаў могуць выключыць зь ліку ўдзельнікаў Алімпійскіх гульняў 2020 года ў Токіё ў сувязі з падазрэньнямі, што маскоўскае антыдопінгавае агенцтва падрабіла вынікі допінг-пробаў да таго, як іх вынікі былі перададзеныя ва Ўсясьветнае антыдопінгавае агенцтва WADA, піша Daily Telegraph.
Інфармацыя пра гэта, паведамляе газета, спасылаючыся на дасьведчаныя крыніцы, плянуецца абвесьціць у панядзелак на паседжаньні выканкама WADA ў Токіё.
Выданьне адзначае, што «на працягу наступных двух месяцаў чакаецца зьяўленьне новых доказаў парушэньняў».
