У Парыжы і іншых гарадах Францыі ў суботу праводзіліся новыя акцыі пратэсту ўдзельнікаў руху «жоўтых камізэлек». У сталіцы пратэстоўцы, у асноўным, сабраліся на Элізэйскіх палях, у раёне Опэры Гарнье і плошчы Рэспублікі. Паводле зьвестак МУС, маніфэстантаў было значна менш, чым тыдзень таму.
Нягледзячы на саступкі, зробленыя ўрадам і прэзыдэнтам павышэньня на сто эўра выплатаў тым, хто атрымліваў мінімальную зарплату і адмовы ад падаткаабкладаньня даходаў, заробленых у звышурочныя гадзіны, ня ўсё ўдзельнікі пратэсту палічылі гэтыя меры дастатковымі. Незадаволеныя патрабуюць карэннага перагляду сацыяльных адносін і палітычнага ладу Францыі.
Да вечара суботу было вядома, што па ўсёй Францыі ў мітынгах удзельнічалі 35 тысяч чалавек, у Парыжы — каля 3 тысяч. Па дадзеных парыскай паліцыі, затрыманыя менш за 100 чалавек. У папярэднюю суботу затрыманых было больш за тысячу.
