Эўракамісія 30 лістапада ўхваліла выдзяленьне першага траншу новай макрафінансавай дапамогі Ўкраіне на суму паўмільярда эўраў. Пра гэта паведамляецца на сайце Эўракамісіі.
Валдзіс Дамброўскіс, віцэ-прэзыдэнт Эўракамісіі адказны за эўра і сацыяльны дыялёг, адзначыў:
«Эўразьвяз дэманструе пастаянную палітычную і фінансавую падтрымку Ўкраіны. Сёньняшняе рашэньне Эўракамісіі па выплаце наступае ў вырашальны момант, калі Ўкраіна і яе народ сутыкаюцца з новай агрэсіяй з боку Расеі і патрабуюць салідарнасьці з боку міжнародных партнэраў».
У рамках новай праграмы макрафінансавай дапамогі, зацьверджанай Эўрапарлямэнтам у ліпені 2018 году, Украіна можа атрымаць да 1 мільярда эўраў. Сродкі даступныя ў выглядзе нізкапрацэнтных доўгатэрміновых крэдытаў пры ўмове ажыцьцяўленьня канкрэтных стратэгічных захадаў, узгодненых у Мэмарандуме аб узаемаразуменьні.
