Кожны паляк, якому споўнілася сто гадоў, будзе атрымліваць штомесячную ганаровую пэнсію ў памеры 3 700 злотых ($1000) — да канца жыцьця. Такіх людзей амаль 2000 па ўсёй краіне, паведамляе Польскае радыё.
Ганна Ілюкевіч, прэс-сакратар аддзяленьня Упраўленьня сацыяльнага страхаваньня (Zakład Ubezpieczeń Społecznych) у Ольштыне, удакладніла, хто можа разьлічваць на пэнсію:
«Асобам, якія атрымліваюць пэнсію па старасьці або інваліднасьці, дадатковая пэнсія будзе выплачвацца аўтаматычна — без неабходнасьці падачы адмысловай заявы».
Тым жа, хто ніколі не працаваў і не знаходзіцца ў базе Упраўленьня сацыяльнага страхаваньня, трэба будзе прадаставіць дакумэнты, якія пацьвярджаюць дату нараджэньня.
Тым часам у Беларусі:
- Сярэдняя працоўная пэнсія складзе — 388,1 рубля;
- Пэнсія па ўзросьце — 393,96 рубля;
- Сацыяльныя пэнсіі — 235,63 рубля.
