Такое пагадненьне заключылі прэм’ер-міністар Грэцыі Алексіс Цыпрас і архіяпіскап Атэнскі і ўсяе Элады Геранім ІІ.
Як паведамляе Бі-бі-сі, статусу дзяржаўных службоўцаў будуць пазбаўленыя каля 10 тысяч сьвятароў, але на іх заробкі па-ранейшаму будуць ісьці дзяржаўныя субсыдыі. Штогод на гэта будзе выдаткоўвацца каля 200 мільёнаў эўра. Дамову яшчэ мае зацьвердзіць парлямэнт.
Праваслаўная царква адыгрывае важную ролю ў грамадзкім жыцьці Грэцыі. Вучні ў школах пачынаюць дзень з малітвы, і ім таксама выкладаюць падмуркі праваслаўнага хрысьціянства.
