Улады Нямеччыны вырашылі вылучыць у 2019 годзе амаль 7 мільярдаў эўра на сацыяльнае жыльлё і дапамогу для мігрантаў, а таксама праграму іх сацыяльнай інтэграцыі, у тым ліку моўныя курсы.
Пра гэта паведамляе Reuters са спасылкай на крыніцу ва ўрадзе. Згодна з плянам канцлеркі Ангелы Мэркэль, агульныя затраты на мігрантаў складуць каля 15 мільярдаў эўра да 2022 года.
За апошнія тры гады немцы прынялі больш за мільён бежанцаў — пераважна мусульман — пры агульным насельніцтве краіны звыш 80 мільёнаў чалавек.
