Прыхільнікі незалежнасьці Каталёніі праводзяць у панядзелак акцыі пратэсту з нагоды гадавіны рэфэрэндуму аб аддзяленьні аўтаноміі ад Гішпаніі. Сотні актывістаў блякуюць аўтамагістралі, чыгуначныя шляхі і вуліцы. Дэманстранты перакрылі галоўную транспартную магістраль, якая вядзе з Каталёніі ў Францыю і занялі цэнтральныя вуліцы ў Барсэлёне.
У суботу ў гэтым горадзе адбыўся мітынг у абарону незалежнасьці Каталёніі, які перарос у сутыкненьні з паліцыяй. У ходзе боек пацярпелі 24 чалавекі, шэсьць былі затрыманыя.
На рэфэрэндуме, які адбыўся ў Каталёніі 1 кастрычніка 2017 года, больш за 90 працэнтаў удзельнікаў падтрымалі незалежнасьць рэгіёна ад Гішпаніі. Мадрыд абвясьціў плебісцыт незаконным і ўвёў прамое кіраваньне.
Пасьля таго, як каталёнскі ўрад самавольна аб’явіў аб незалежнасьці 27 кастрычніка, Мадрыд распусьціў яго і пачаў перасьледаваць ключавых арганізатараў сэпаратысцкага праекта. Некаторыя зь іх апынуліся ў турме, а іншым удалося зьбегчы.
