Хацела даведацца, што надрукавана габрэйскімі літарамі на знойдзенай у разбуранай хаце старонцы старой кнігі. Дамовілася на сустрэчу з рабінам менскай сынагогі.
«Каб судзіць родных, уявіце, што апынуліся ў іх абставінах» — пераклаў малады вучоны габрэй.
— А ці можна судзіць родных? — засумнявалася я, дадаўшы: «Не судзіце, каб не судзілі вас».
Яго плечы раптоўна напружыліся.
— Ня ведаю такога выразу… — разгублена сказаў ён.
Потым мы паразмаўлялі пра габрэйскую мову і Галакост.
— А вы не габрэйка? — ціха запытаў ён.
— Не! — скаланулася я. — Думаю, што не, — дадала, каб не абразіць.
— Так, усё вельмі пераблыталася, — згадзіўся рабін.
Ала Жак
Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org
