Як распавяла Свабодзе Вольга Мікалайчык, цяпер у акцыі прымаюць удзел 10 чалавек.
«Прыехаў нарад з Цэнтральнага РУУСа. Яны папярэдзілі нас, што мы ўдзельнічаем у несанкцыянаваным мерапрыемстве, што мы парушаем закон, і цяпер міліцыянт складае пратаколы. Ужо складзены пратаколы на Вінярскага і Гаеўскага. Зараз перапісваюць дадзеныя Алены Церашковай», — паведаміла Мікалайчык.
Сёньня аб 11-й актывісты сабраліся каля амбасады Расеі ў Менску на новую акцыю салідарнасьці з украінскай лётчыцай Надзеяй Саўчанкай, якую судзяць у расейскім горадзе Данецку Растоўскай вобласьці.
Паводле слоў Мікалайчык, да акцыі далучыліся і некалькі грамадзян Украіны.