МОВА-ПАНТОВА. Конкурс малюнкаў і фотак пра беларускую мову
МОВА-ПАНТОВА. Чаму я размаўляю па-беларуску. Конкурс ад Радыё Свабода
МОВА-ПАНТОВА. Конкурс малюнкаў і фотак пра беларускую мову
Мы не чакаем прафэсійных малюнкаў. Пакажыце вынаходлівасьць, крэатыў, сваімі малюнкамі дайце адказ на пытаньне: «Чаму варта размаўляць па-беларуску?»
У Менску сапраўдны бум цікавасьці і імкненьня да беларускамоўнасьці. Моўныя курсы зьбіраюць аншляг. Людзі тысячамі едуць на прэзэнтацыю беларускамоўнага альбому Ляпісаў у Вільню. Вэлком, МТС, Атлант Тэлеком і іншыя буйныя кампаніі запускаюць акцыі, рэклямныя кампаніі ды вядуць суполкі у сацсетках па-беларуску.
Штодня ў рубрыцы «Жывая мова» нашыя слухачы і чытачы распавядаюць, як прыйшлі да беларускай мовы, і што яна значыць у іх жыцьці.
Умовы конкурсу «Мова-пантова» вельмі простыя. Дасылайце нам фоткі, карцінкі, каляжы, (дэ)матыватары, коміксы ці малюнкі якія матывуюць карыстацца беларускай мовай. Вы ўбачылі прыгожую беларускамоўную пару? Зафоткайце іх! На скрынцы цукерак — надпісы па-беларуску? Пакажыце і нам! Цытата любімага пісьменьніка пра родную мову? Спалучыце яе з прыгожай карцінкай і дасылайце гатовы каляж.
Мы не чакаем прафэсійных малюнкаў. Пакажыце вынаходлівасьць, крэатыў, сваімі малюнкамі дайце адказ на пытаньне: «Чаму варта размаўляць па-беларуску?»
Усе вашыя малюнкі з подпісамі ці без (па жаданьні) зьявяцца на сайце Радыё Свабода.
ВОСЬ ПРЫКЛАДЫ, ЯК МОГУЦЬ ВЫГЛЯДАЦЬ ПРАЦЫ НА КОНКУРС:
Фотагалерэя:
Мова-пантова. Узоры малюнкаў на конкурс
Гэта малюнкі зь інтэрнэту, як прыклады працаў на конкурс МОВА-ПАНТОВА
Працы прымаюцца да 1 лютага. Выбар пераможцаў адбудзецца праз галасаваньне на сайце з удзелам журы Радыё Свабода.
Пераможцы вызначацца ў 2-х намінацыях: «Найлепшы фотаздымак», «Найлепшая карцінка». Яны атрымаюць плэер Apple IPod shuffle 2gb і электронную кнігу Amazon Kindle.
Актыўныя ўдзельнікі атрымаюць камплекты кнігаў з сэрыі «Бібліятэка Свабоды».
