Сёньня аўтары звароту спрабавалі прайсьці на прыём да генэральнага пракурора Беларусі Рыгора Васілевіча. Што з гэтага атрымалася?
“Калі мы пачалі прасіць, каб да нас выйшаў генэральны пракурор, дык супрацоўніца пракуратуры нам пагражала, што пакліча міліцыю і нас адвязуць у пастарунак”.
Чаго дамагаюцца скаржнікі? Натальля Камзанава просіць перагледзець справу сына, якога асудзілі за распаўсюд наркотыкаў пасьля таго, як ён паскардзіўся на міліцыянтаў за зьбіцьцё. Жанчына мяркуе, што сыну адпомсьцілі:
“Я нічога не дамаглася. У мяне супрацоўнікі міліцыі зьбілі сына-інваліда. Яго давялося класьці ў шпіталь, але зь лістападу я не магу атрымаць адказу на свае скаргі”.
У кожнага з падпісантаў звароту свая гісторыя. Пэнсіянэр Васіль Круглякоў скардзіцца на судзьдзю, якая нібыта незаконна пазбавіла яго кватэры. А вось Валянціну Байдак, паводле яе словаў, на некалькі дзесяткаў тысяч рублёў абрабавала адвакатка, да якой яна зьвярнулася па юрыдычную дапамогу.
Але найчасьцей гэтыя людзі бароняць не сябе, а блізкіх сваякоў: сыноў, дачок, жонак. Жыхар Наваполацку Ўладзімер Журба дамагаецца адмены незаконнага, як ён лічыць, прысуду жонцы-прадпрымальніцы Алене Бачурной. Мужчына мяркуе, што адносна яе была ня проста судовая памылка, а замова на расправу. Галіна Юбко просіць пакараць сапраўдных забойцаў роднай сястры. Паводле яе, сьледчы ў справе памыліўся, а цяпер улада пакрывае вінаватага сьледчага. Ёсьць у жанчыны прэтэнзіі і да генэральнага пракурора спадара Васілевіча:
“Васілевіч ставіць толькі аўтографы, а справы па сутнасьці не разглядаюцца”.
Распавяла сваю гісторыю і Людміла Самусенка. А потым падвяла рысу за ўсіх:
“Нас усіх аб’ядноўвае адна агульная бяда. Гэта тое, што не разьбіраюцца і ня хочуць нічога мяняць. Зрабілі судовую памылку і пакінулі, нам даюць толькі адпіскі”.
З будынку генэральнай пракуратуры грамадзяне прайшлі на плошчу Свабоды да гарадзкой ратушы і там распаўсюдзілі для журналістаў свой зварот пра байкот выбараў.
“Мы на сваім прыкладзе пераканаліся, што беларускія чыноўнікі трывала парушаюць закон. Таму ў нас пануе беззаконьне. Прыняцьце новых законаў у такіх абставінах будзе толькі садзейнічаць беззаконьню і пакрываць яго. Мы заклікаем усіх, хто цярпіць ад свавольства чыноўнікаў, далучыцца да нас і адкрыта заявіць пра байкот выбараў”, — сказана ў звароце.
Міліцыя не перашкаджала аўтарам звароту кантактаваць з журналістамі. За падзеямі каля ратушы назіралі супрацоўнікі спэцслужбаў у цывільным.
Летась некаторыя з падпісантаў звароту дасылалі ліст тагачаснаму прэзыдэнту Расеі Ўладзімеру Пуціну, на які атрымалі адказ, што ім трэба зьвяртацца да беларускіх уладаў.
“Калі мы пачалі прасіць, каб да нас выйшаў генэральны пракурор, дык супрацоўніца пракуратуры нам пагражала, што пакліча міліцыю і нас адвязуць у пастарунак”.
Чаго дамагаюцца скаржнікі? Натальля Камзанава просіць перагледзець справу сына, якога асудзілі за распаўсюд наркотыкаў пасьля таго, як ён паскардзіўся на міліцыянтаў за зьбіцьцё. Жанчына мяркуе, што сыну адпомсьцілі:
“Я нічога не дамаглася. У мяне супрацоўнікі міліцыі зьбілі сына-інваліда. Яго давялося класьці ў шпіталь, але зь лістападу я не магу атрымаць адказу на свае скаргі”.
У кожнага з падпісантаў звароту свая гісторыя. Пэнсіянэр Васіль Круглякоў скардзіцца на судзьдзю, якая нібыта незаконна пазбавіла яго кватэры. А вось Валянціну Байдак, паводле яе словаў, на некалькі дзесяткаў тысяч рублёў абрабавала адвакатка, да якой яна зьвярнулася па юрыдычную дапамогу.
Але найчасьцей гэтыя людзі бароняць не сябе, а блізкіх сваякоў: сыноў, дачок, жонак. Жыхар Наваполацку Ўладзімер Журба дамагаецца адмены незаконнага, як ён лічыць, прысуду жонцы-прадпрымальніцы Алене Бачурной. Мужчына мяркуе, што адносна яе была ня проста судовая памылка, а замова на расправу. Галіна Юбко просіць пакараць сапраўдных забойцаў роднай сястры. Паводле яе, сьледчы ў справе памыліўся, а цяпер улада пакрывае вінаватага сьледчага. Ёсьць у жанчыны прэтэнзіі і да генэральнага пракурора спадара Васілевіча:
“Васілевіч ставіць толькі аўтографы, а справы па сутнасьці не разглядаюцца”.
Распавяла сваю гісторыю і Людміла Самусенка. А потым падвяла рысу за ўсіх:
“Нас усіх аб’ядноўвае адна агульная бяда. Гэта тое, што не разьбіраюцца і ня хочуць нічога мяняць. Зрабілі судовую памылку і пакінулі, нам даюць толькі адпіскі”.
З будынку генэральнай пракуратуры грамадзяне прайшлі на плошчу Свабоды да гарадзкой ратушы і там распаўсюдзілі для журналістаў свой зварот пра байкот выбараў.
“Мы на сваім прыкладзе пераканаліся, што беларускія чыноўнікі трывала парушаюць закон. Таму ў нас пануе беззаконьне. Прыняцьце новых законаў у такіх абставінах будзе толькі садзейнічаць беззаконьню і пакрываць яго. Мы заклікаем усіх, хто цярпіць ад свавольства чыноўнікаў, далучыцца да нас і адкрыта заявіць пра байкот выбараў”, — сказана ў звароце.
Міліцыя не перашкаджала аўтарам звароту кантактаваць з журналістамі. За падзеямі каля ратушы назіралі супрацоўнікі спэцслужбаў у цывільным.
Летась некаторыя з падпісантаў звароту дасылалі ліст тагачаснаму прэзыдэнту Расеі Ўладзімеру Пуціну, на які атрымалі адказ, што ім трэба зьвяртацца да беларускіх уладаў.
