د مشال تر رڼا لاندې بحث کې مو دا ځل د ماورای عدالت وژنو او جبري بې درکیو پرضد د بلوڅانو د احتجاجي لاریون موضوع څېړلې ده. د ډېسېمبر پر ۲۰مه په اسلام اباد کې پولیسو پر بلوڅ لاریونوالو تشدد وکړ او لسګونه یې ونیول چې د بشري حقونو سازمانونو یې غندنه وکړه. خو پولیس وايي چې بلوڅانو ورباندې کاڼي وویشتل ځکه یې هغوی ونیول. په دې اړه تفصیل په ویډیويي بحث کې وګورئ.
د مشال تر رڼا لاندې
وبښئ، دلته ۲۵ دسمبر هېڅ و نه موندل شول. تر دې پخواني مطالب وګورئ.
شنبه ۲۳ دسمبر ۲۰۲۳
تېره اوونۍ د خیبر پښتونخوا په ډېره اسماعیل خان او ټانک ضلعو کې پر پوځ او پولیسو وسلوالو بریدونو ځايي خلک اندېښمن کړي دي. هغوی وېره لري چې که د ناامنۍ پېښې همداسې روانې وي نو ښايي پوځ يې په سيمو کې یو ځل بیا عمليات پیل کړي. دا چې د وسلوالو پرضد پوځي عمليات څومره امکان لري او د ولس پر ژوند به يې اغېز څه وي، دا موضوع مو دا اوونۍ "د مشال تر رڼا لاندې" بحث کې څېړلې ده.
