په "نا ویلې خبرې" خپرونه کې مو دا ځل پر دې بحث کړی دی چې په پښتني ټولنه کې د هلکانو په نسبت د نجونو د کم تعلیمي کچ لاملونه څه دي. د پاکستان حکومت وايي، په هغه هېواد کې تر ۲۶ مېلیونه زیات ماشومان ښوونځيو ته نه ځي چې زیات شمېر یې نجونه دي.
د دې اونۍ د "هارون باچا هنري ګړۍ" خپرونې مېلمه په پېښور کې د سندرو يو پېژندلی ثبتوونکی او سندرغاړی وقاص خان دی. نوموړی خپله اډيو سټوډيو لري او وايي چې د سيمې نومياليو سندرغاړو ته يې پکې سندرې جوړې کړې دي. د وقاص خان دا خبرې او ځينې سندرې يې په خپرونه کې اورېدای شئ.
د دې اوونۍ "د مشال تر رڼا لاندې" کې دې ته کتنه شوې ده چې پاکستان او په افغانستان کې د طالبانو حکومت د امریکا د نوي ولسمشر ډانلډ ټرمپ له انتظاميې څخه کومې تمې لري. ټرمپ د جنورۍ پر ۲۰مه د امريکا د ولسمشر په توګه لوړه وکړه او خپله دنده يې په رسمي توګه پیل کړې ده. بشپړه خپرونه واګورئ.
د جنورۍ پر ۲۰مه د خان عبدالغفارخان، چې په باچا خان هم مشهور وو، ۳۷م تلين ولمانځل شو. نوموړي د تعلیم او عدم تشدد له لارې د پښتنو په ټولنه کې د اصلاحاتو او پرمختګ لپاره مبارزه کړې وه.
په روغتیا او درملنه خپرونه کې نن پر محرکه یا سترې تبې غږېدلي یو. روغتیاپالان وايي چې ټایفایډ یوه بیکټېریايي ناروغي ده چې د ککړو یا الوده اوبو او خوړو د استعمال له وجې پیدا کېږي. دوی وايي، د دې ناروغۍ سم او کره ټېسټ اړین دی او علاج یې له دوو څخه تر څلور اونۍ پورې وخت نیسي. بشپړه خپرونه واورئ.
د دې اونۍ د "هارون باچا هنري ګړۍ" خپرونې مېلمه پېښور مېشتی سندرغاړی سلطان شاه دی. نوموړی وايي، پلرنی ټاټوبی يې کورمه دی خو کورنۍ يې موده کېږي چې پېښور ته کډه شوې ده. د سلطان شاه دا خبرې او ځينې سندرې يې په خپرونه کې اورېدای شئ.
د دې اوونۍ "د مشال تر رڼا لاندې" کې په ۲۰۲۵ز کال کې د پاکستان د اقتصاد د ممکنه وضعيت جاج اخیستل شوی دی. دا هېواد له تېرو څو کلونو راهیسې له سخت اقتصادي بحران سره مخامخ دی چې د ښه کولو لپاره يې اسلام اباد د مالیې نړيوال صندوق (ای اېم اېف) څخه د پورونو تړون هم لاسليک کړی دی.
د مشال راډیو په پاډکاسټ "نا ویلې خبرې" کې مو دا ځل د بلوچستان په پښتون مېشتو سیمو کې پر ښځو د تشدد پر لاملونو بحث کړی دی. له دې پرته به دا هم واورئ چې په هغه صوبه کې ښځې تر اوسه د تعلیم او کار په برخه کې پوره حقونه ولې نه لري؟ بشپړه خپرونه واورئ او پاډکاسټ سبسکرایب کړئ.
د دې اونۍ "د مشال تر رڼا لاندې" کې په نوي ۲۰۲۵ز کال کې په پاکستان کې پر ممکنه سیاسي منظرنامې بحث شوی دی. دا په داسې حال کې ده چې د نوي کال پیل د مخالف ګوند تحریک انصاف او واکمن مسلم لیګ (ن) ترمینځ له مذاکراتو وشو، البته اوس هغه خبرې اترې د اختلافاتو له امله د ځنډ سره ښکار شوې دي. بشپړه خپرونه وګورئ.
په کورمه کې د شيعه او سني ډلو د مشرانو لخوا د سولې پر تړون سربېره د امنیت وضع ترینګلی ده او د پاړه چینار لویه لاره تړلې پرته ده. بلخوا په بګن کې مظاهرچیان وايي چې باید حکومت هلته د اوښتو تاوانونو معاوضه ورکړي.
نن په روغتیا او درملنه خپرونه کې پر یوې تنفسي وایرسي ناروغۍ غږېدلي یو چې په وروستیو کې یې په چین کې زیاتې پېښې ثبت شوې دي. خو روغتیاپالان انساني مېټانمونیو وایرس خطرناکه نه بولي او وايي چې له کبله یې د پېښېدونکې ناروغۍ علامات عادي یخ یا زکام ته ورته وي. بشپړه خپرونه واورئ.
د دې اونۍ د "هارون باچا هنري ګړۍ" کوربه اسحاق خان امیري او مېلمه يې سندرغاړی عادل حیدر علي دی. ۲۴ کلن عادل حیدر د پښتو د وتلي سندرغاړي او کمپوزر ماسټر علي حیدر زوی دی.
نور وښیئ
