ځلاند یوسفزی په پېښور کې د مشال راډیو خبریال او د ویډیويي مطالبو اېډېټر (مدیر) دی. هغه پر بېلابېلو موضوعاتو غږیز، لیکلي او ویډیويي راپورونه او مستند فلمونه جوړوي.
راني خان د پاکستان په پلازمېنه اسلام اباد کې د نرښځیو لپاره مدرسه جوړه کړې. نوموړې وايي، په نورو مدرسو کې له نرښځیو سره توپیري چلند کېږي، نو ځکه دې کار ته اړ شوه. راني خان خپله هم نرښځۍ ده او وايي، په مدرسه کې زده کوونکو ته د اوسېدو ځای هم ورکوي.
د پښتون ژغورنې غورځنګ مخکښ او د پاکستان په قومي اسمبلۍ کې د جنوبي وزیرستان د ولس استازی علي وزیر د ۱۲ ورځو لپاره په جسماني ریمانډ پولیسو ته حواله کړل شو. علي وزیر د ډېسېمبر پر ۱۸مه له پېښوره کراچۍ ته وړل شوی وو او د ډېسېمبر پر ۱۹مه په کراچۍ کې د ترهګرۍ ضد عدالت ته وړاندې شو.
پښتون ژغورنې غورځنګ د قامي اسمبلۍ د غړي او د خپل مخکښ علي وزیر ګرفتارۍ پر ضد د پاکستان په بېلا بېلو سیمو کې احتجاجونه کړي. د ډېسېمبر د ۱۸مې احتجاجونو اعلان د زیارت (پنجشنبې) پر ماښام د غورځنګ مشر منظور پښتین پر فېسبوک په وینا کې کړی وو. د غورځنګ ملاتړیو او پلویانو د پلازمېنې اسلام اباد په ګډون
د ډېسېمبر ۱۸مه د هجرت کوونکو نړیواله ورځ ده. رفیق په کراچۍ کې ورځني مزدوري کوي. د نوموړي کورنۍ کلونه پخوا له افغانستانه د سیند صوبې تر ټولو لوی ښار ته کډه شوې وه. د رفیق ژوند په اړه دا ویډیو وګورئ.
پاکستان جمهوري تحریک (پي ډي ایم) د پنجاب په مرکز لاهور کې د ډېسېمبر پر ۱۳مه د حکومت ضد شپږمه جلسه وکړه او مشرانو يې په خپلو ويناوو کې پر وزیراعظم عمران خان تور پورې کړ چې د هغه حکومت په درغليو راغلی دی
د پاکستان جمهوري تحريک (پي ډي اېم) نن (د دیسمبر په ۱۳مه) په لاهور کې د مينار پاکستان سره جلسه کوي. دوی د وزیراعظم عمران خان د استعفا غوښتنه لري او وايي چې د هغه حکومت په درغليوو راغلی دی. حکومت دا غوښتنه او تورونه ردوي.
د خېبر پښتونخوا د سوات جبران يوسف له ګټو لوخې او نور شيان جوړوي، دغه هنر په سوات کې د زرګونو کالو زوړ دی او په لرغونې اثارو کې موندلې کېږي. جبران يوسف مزدور کار دی او خپل هنر ته پوره وخت نه شي ورکولای. نوموړي وايي، که څام ورته وشي نو نورو ځوانننو ته هم دغه ختمېدوکې هنر ورزده کولای شي.نور حال په دې و
له کوټې څخه چمن ته د مساپر وړونکي اورګاډي سروېس بیا پیل شوی دی. د اورګاډي تګ راتګ په مارچ کې د کورونا وایرس وبا له وجې ځنډول شوی وو چې د نومبر پر ۱۰مه د رېلګاډو ادارې چارواکو بیا پیل کړ. چارواکي وايي، له کوټې څخه د پاکستان نورو برخو ته هم د اورګاډي سروېس بیا بحالوي. ویډیويي رپورټ.
په خوست کې د شمالي وزیرستان کډوال وايي، د مرستو د کمېدو له وجه یې ژوند تر بل هر وخت زیات ګران شوی دی. دوی وايي، دا یې په ګلان کیمپ کې اووم ژمی دی او ستونزې یې ورځ تر بلې زیاتېږي. چارواکي وايي، له نړیوالو ادارو څخه د وزیرستانیو کډوالو لپاره د مرستو اخیستو هڅې کوي. ویډیويي رپورټ.
د کوټې ۴۵ منیر احمد وايي، له پلاره یې انځورګري او مجسمه سازي زده کړې خو نور دا کار نشي کولای.
خانزاده اسفندیار خټک وايي، ویاړي چې د پښتو نومیالي شاعر خوشال خان خټک له کورنۍ دی. خټک د رقص ترڅنګ د بشري حقونو فعال هم دی. د نوموړي هنر او ژوند په اړه یې ویډیو وګورئ.
په تېرو کلونو کې رسنیو په سیند کې په زور د هندوو نجونو د مسلمانولو رپورټونه ورکړي دي چې ورباندې د بشري حقونو کورنیو او نړیوالو ادارو اندېښنې ښوولي. خو په عین حال کې، د سیند په کلیوالو سیمو کې مسلمانان او هندوان یو ځای اوسي په دې انځورونو کې د یوې درګاه او د یو مندر حال درکوو.
د پاکستان په سرښار اسلام اباد کې د اکتوبر پر شپږمه زرګونه سرکاري کارکوونکو احتجاجي ناسته پيل کړې چې زياتره يې ښوونکي دي. دوی وايي په تنخاګانو کې ېې د ګرانۍ په تناسب زياتوالی نه دی شوی. نور تفصیل د عمران یونس په ويډيويي راپور کې
د اګست پر ۲۰مه لسګونه کسانو په پېښور کې د برېښنا نشتوالي ضد مظاهره وکړه. دوی په لاسونو کې لوحې او بینرې نیولې وې او په ښار کې یې لاریون وکړ.
د خوست اوسېدونکو، فعالانو، حکومتي چارواکو او ملي امنیتي سرتېرو د اګست پر ۱۸مه د افغانستان د خپلواکۍ بېرته اخیستو ۱۰۱مه کلیزه ولمانځله. فعالان وايي، د خپلواکۍ ساتل د ټولو وګړو ذمه واري ده. نور په ویډیويي رپورټ.
د پاکستان حکومت د اګست له ۱۰مې څخه د ټولو هغو کاروبارونو بیا پرانیستو اعلان وکړ چې د ټولبند پر ختمېدو سربېره تړلي ول. په دې کې د رستورانونو دننه خوراک، څښاک هم شامل وو چې د مارچ له نیمايي راهیسې ورباندې بندیز وو.
په راولپېنډۍ کې د چړو او چاقووانو خرڅوونکي او تېره کوونکي وايي، سږکال یې د کورونا وایرس وبا له وجې کاروبار خراب دی ځکه چې کم خلک قرباني کوي. خو ځینې خلک وايي چې دوکاندارن چړې ګرانې خرڅوي او د تېره کولو لپاره یې هم د پخوا پرتله زیاتې پیسې غواړي. نور په ویډويي رپورټ کې.
زیارت د بلوچستان د سیلګرۍ له مهمو ځایونو یو بلل کېږي. پوهان وايي، د دې سیمې د ځنګله اوبښتې له اووه څخه تر اته زره کلونو پورې عمر لري. خو د ځنګله ونې یوې ناروغۍ او اوږدمهاله وچکالۍ
محبوب الرحمان د خیبر پښتونخوا د نوښار په اکوړي کیمپ کې اوسي. نوموړي د مردان بورډ د لسم ټولګي په ازموینو کې دویم پوزیشن ترلاسه کړی دی. د رحمان پلار په اکوړي
د جولای پر ۲۲مه، پر ۱۱مه ورځ هم د مومندو یو شمېر ملکانو په غلنۍ کې عمومي سړک تړلی وو. دوی له حکومته غواړي چې د ځانګړو خاصه دارو مراعات دې بحال کړي. دا خاصه دار
نور وښیئ
